Ekibastuzdaǵy «Dostyq úıinde» 12 etnomádenı birlestik jumys isteýde. Etno-mádenı birlestikterdiń «Dýlkyn», «Gıýzal-aı», «Slavıanochka», «Svitanok», «Marsho», «Boıahad», «Zodorınka» sııaqty óner ujymdary qalada ótetin barlyq mádenı merekelik sharalardan qalmaıdy.
Qazaq tilin oqyp-úırený etno-mádenı birlestik múshelerin patrıottyq rýhta tárbıeleýge yqpal etedi. Ár etno-mádenı birlestikte memlekettik tilde qarym-qatynas jasaýǵa, óz ana tilin oqyp úırenýge barlyq jaǵdaı jasalǵan. О́zderiniń ulttyq salt-dástúrlerin jańǵyrtý etno-mádenı birlestikteriniń múshelerin biriktiredi. Etno-mádenı birlestik qaladaǵy «Úmit» balalar úıimen, orta arnaýly jáne joǵary oqý oryndarmen birlese mádenı sharalar ótkizedi.
О́tken jyly «Dostyq» úıinde «Polonııa» atty polıaktar birlestigi balalar ansambli quryldy. «Vozrojdenıe» nemister mádenı ortalyǵy nemis tiliniń zerttelýine kóńil bólinedi. Nemis tilin úıretýge jumsalatyn shyǵyndardy Gete atyndaǵy Nemis mádenıet ortalyǵy tóleıdi.
«Bratstvo» atty slavıan ortalyǵy jyl saıyn «Slavıan jazbasy men mádenıetiniń kúnderin» ótkizedi. Tatar-bashqurttardyń «Shatlyq» birlestigi «Sabantoı» oıyn-saýyq keshterine shaqyrady. Sheshen-ıngýshtardyń «Vaınah» jáne ázerbaıjandardyń «Ázerbaıjan» birlestikterinde Oraza aıynda múmkindikteri shekteýli balalarǵa «Dostyq» úıinde qaıyrymdylyq as beriledi. Ýkraındardyń «Svitanok» birlestiginiń janynda «Dýdarykı» balalar ansambli men «Svitanok» hory án salady. Koreılerdiń «Choson» jáne evreılerdiń «Beıahat» birlestikteri ortaq iske jumylǵan.
Oblystyq Assambleıa janyndaǵy Qoǵamdyq kelisim keńesiniń tóraǵasy Idaıat Ábdihalyqovtyń aıtýynsha, Assambleıanyń oblystyq fılıaly bul kúnderi óńirdegi aýdandardy, qaladaǵy kásiporyndardy aralap, kezdesý ótkizýde. Elbasy Joldaýy – basty taqyryp. Taqyryp júgi salmaqty. Qoǵamdyq kelisim keńesiniń ókilderi alǵashqy kezdesýlerin óndiristi qala Ekibastuzdan bastady.
Kenshiler qalasyna kelgen fılıal ókilderin qala ákimi Nurjan Áshimbetov qarsy aldy. Barlyǵy da qalalyq ákimdikte ótken jalpy jıyn barysynda bas qosty. Qoǵamdyq kelisim keńesi, medıasııa mamandary birlesip keńeske kelgen kishi Assambleıa ókilderine bıylǵy Joldaý jańalyqtaryn talqylap, ózderiniń jyl boıy atqarǵan jumystary jaıly esep berdi.
Jıynda oblystyq fılıal tóraǵasynyń orynbasary Seısenbaı Jetpisbaev sóz sóılep, elimizdegi búgingi kúnniń jarqyn jetistikteri – eldik pen birliktiń, túsinistiktiń, tatýlyqtyń berekesi ekenin aıtyp ótti. О́ńirdegi Assambleıanyń 13 fılıaly bar bolsa, oblystyń qala, aýdan ortalyqtarynda, aýyldarda 83 etno-mádenı birlestik jáne oblys ortalyǵynda 24 etno-mádenı birlestik jumys isteýde.
Joldaýda Elbasy «Biz qashanda zaman synyna tegeýrindi is-qımylmen tótep berip kelemiz. Bul – eń aldymen el yntymaǵynyń arqasy. «Yntymaqty eldiń yrysy mol», deıdi halqymyz. Búgingi kezeńniń de talaby ońaı emes. Birligimiz myzǵymasa, yntymaǵymyz ydyramasa, biz úshin alynbaıtyn asý, baǵynbaıtyn beles bolmaıdy» dep aıtyp ótti Seısenbaı Jetpisbaev. – Olaı bolsa, bizder de osy talapqa saı birlikte, yntymaqta jumys isteýimiz qajet.
Rýhanı kelisim kúni etno-mádenı birlestikter óner ujymdarynyń konsertimen aıaqtaldy.
Farıda BYQAI,
«Egemen Qazaqstan»
EKIBASTUZ
