Investısııalar jáne damý mınıstri J. Qasymbek baıandaǵandaı, qazirgi kezde 3 ýchaskede tólemaqy alý júıesi testilik qoldanylýda: Almaty – Qapshaǵaı, Almaty – Qorǵas, Astana – Temirtaý.
«2019 jyldyń qańtarynda Shymkent – Aqtóbe – Martýk, Shymkent – Taraz – Qaınar jáne Astana – Pavlodar ýchaskelerinde tólemaqy júıesin ornatýǵa konkýrs jarııalanatyn bolady. Jalpy 2020 jyly uzyndyǵy 6,5 myń shaqyrym bolatyn 17 ýchaske tólemaqy alý júıesimen qamtylady», — dedi J. Kasymbek.
Sonymen qatar Astana – Shýchınsk ýchaskesinde RFID tańbalardy paıdalanýmen aıaldaýsyz júrý júıesi iske qosylǵan, PayWay.kz, ınternet-bankıng, QIWI –ámııan qolma-qóol aqshasyz tólemaqy tóleý servısi iske asyrylǵan. Júrgizýshilerdiń aýar raıy, jyldamdyq rejimi t.b. týraly habardar etý maqsatynda bul ýchaske aýa raıy datchıkterimen jáne aqparattyq tablomen jaraqtalǵan.
Sonymen qatar jol boıy servısin sıfrlandyrý úshin «KazWay» mobıldi qosymshasy iske qosylǵan jáne jol boıy servısiniń barlyq nysandary boıynsha ózekti málimetterdi qamtıtyn IRU halyqaralyq avtomobıl kóligi odaǵynyń «Transpark» elektrondy kartasyna derekter engizilgen. Jol aktıvterin basqarý júıesin 16 jol zerthanasy arqyly alynǵan avtomobıl joldarynyń jaı-kúıi týraly derektermen tolyqtyrý jumystary da jalǵasyp jatyr.
«Jeltoqsanda aqparattyq qaýipsizdigine attestattaýdy aıaqtaýdy kózdep otyrmyz. Jalpy, júıe avtojoldardy jóndeýge ketetin shyǵyndardy únemdeýge múmkindik beredi, 2025 jylǵa qaraı 110 mlrd teńge kólemindegi ekonomıkalyq tıimdilikti kútip otyrmyz», — dedi ınvestısııalar jáne damý mınıstri.
Budan ózge, kólik baqylaýyn avtomattandyrý úshin Arnaıy avtomattandyrylǵan ólsheý quraldaryn engizý jalǵasyp jatyr, ol shekti salmaq parametrleriniń buzýshylyqtary sanyn azaıtýǵa múmkindik beredi jáne avtomobıl joldarynyń saqtalýyn qamtamasyz etýde oń ekenin baıqatady.
«Jyl basynan beri 700-den astam buzýshylyqtar anyqtalyp, 85 mln teńge kóleminde alymdar men aıyppuldar túrindegi tólemder alyndy. Bıylǵy jyldyń sońyna deıin taǵy 12 júıeni iske qosý kózdelgen. 2020 jylǵa qaraı olardyń jalpy sanyn 46-ǵa deıin jetkizý josparlanǵan. Osylaısha, kólik quraldaryn ólsheý rásimderin avtomattandyrý kólik baqylaýny júrgizgen kezde adam faktoryn boldyrmaýǵa múmkindik beredi», — dedi J. Qasymbek.
Kólik baqylaýyn tolyq avtomattandyrý úshin kelesi jyldyń shilde aıynan bastap aýyr salmaqty jáne iri kólemdi kólik quraldarynyń júrýine arnaıy ruqsat berý 3–7 kúnniń ornyna avtomattandyrylǵan rejımde 15 mınýt ishinde beriletin bolady.
Avtomobıl kóligimen jolaýshylar tasymaly salasynda pılottyq rejimde oblysaralyq jáne halyqaralyq jolaýshylar tasymalyn dıspetcherleý júıesi iske qosylǵan. 2019 jyldyń sońyna deıin 416 baǵyt boıynsha oblysaralyq jáne halyqaralyq jolaýshylar tasymalyndaǵy 2 myńnan astam avtobýs tartylyp, paıdalanýǵa beriledi.
«Smart City» aıasynda kólik salasynda oblystyq jáne respýblıkalyyq mańyzy bar qalalarda jolaqyny elektrondy tóleý jáne qoǵamdyq kólik monıtorıngi iske asyrylyp jatyr. Búginde bul júıeler Astana jáne Almaty qalalarynda tolyq iske qosylǵan. Qalǵan qalalar boıynsha 2018–2021 jyldar aralyǵynda iske asyrý merzimimen tıisti jol kartalary bekitilgen.
Áýe tasymaly salasynda bıyl 14 maýsymda jeke ınvestormen «E-freight» qaǵazsyz qujattar aınalymy aqparattyq júıesin engizýge MJÁ kelisimi jasalǵan. Bul júk óńdeý ýaqytyn azaıtýǵa, shyǵyndardy ońtaılandyrýǵa, qaǵaz túrindegi 20 qujattyń elektrondy túrde usynylýyna múmkindik beredi. Bıylǵy jeltoqsan aıynda júıe iske qosylady.
Temirjol kóligi salasynda «Qazaqstan temir joly» AQ 2018–2022 jyldarǵa arnalǵan «Sıfrlyq temirjol» baǵdarlamasyn qabyldady. Baǵdarlama aıasynda negizgi 4 baǵyt boıynsha 21 jobany iske asyrý josparlanǵan.
«Qazaqstan temir joly» UK» AQ basqarma tóraǵasy Q. Alpysbaev óz kezeginde sıfrlandyrý kompanııanyń barlyq basty baǵyttaryn: temirjol ınfraqurylymyn, júk, mýltımodaldi jáne jolaýshylar tasymalyn qamtıtynyn aıtty.
Temirjol ınfraqurylymyn damytý aıasynda kompanııa ınfraqurylymnyń naqty jaı-kúıine qaraı qyzmet kórsetý jáne jóndeý júrgizýge kóshý mindetin qoıady. «Sıfrlyq Qazaqstan» memlekettik baǵdarlamasyna engen «Magıstral» avtomattandyrylǵan basqarý júıesi» jobasyn iske asyrý bekitilgen josparǵa sáıkes júrgizilip jatyr.
«Joba alty mobıldi-dıagnostıkalyq keshendi paıdalanýdy qarastyrady, onyń úsheýi 2018 jyldyń jeltoqsan aıynda jumys isteı bastaıdy. Tolyq kólemde júıe 2019 jyldyń ortasynan bastap jumys isteı bastaıdy. Jobany engizý nátıjesinde búkil magıstraldyq jeli dıagnostıkasy 180 kúnniń ornyna 15 kúnde júrgiziletin bolady, 240 defektoskop ońtaılandyrylady, lokomotıvti kúshke jáne vagon bóligin ustaýǵa jumsalatyn shyǵyndar eki ese azaıady», — dedi Q. Alpyspaev.
Onyń aıtýynsha, júk tasymaly salasynda klıentke baǵdarlanýdy arttyrý maqsatynda elektrondy oqytý boıynsha ózekti mindetter qoıylyp otyr. О́nerkásiptik rejimde júıege barlyq 456 júk stansııasy qosylǵan. Júıeni engizý respýblıkalyq jol qatynasynda tasymaldaýdy jiberýge ketetin ýaqytty 11 saǵattan 5 mınýtqa deıin, eksporttyq jol qatynasynda 35 saǵattan 1 saǵatqa deıin qysqartýǵa múmkindik berdi. Búginde Reseımen, Qytaımen, Ázerbaıjanmen, Qyrǵyzstanmen elektrondy almasý iske asyrylýda.
Mýltımodaldi tasymal júıesin sıfrlandyrý tranzıttik konteınerlik tasymaldar ósim máselesin sheshýge baǵyttalǵan. Tapsyrystardy óńdeý ýaqytyn azaıtý jáne jetkizý tizbegin ońtaıly basqarý maqstynda jobanyń birinshi kezeńi júzege asyrylǵan.
«Jolaýshylar tasymaly salasynda qyzmettiń klıentterge baǵdarlanýyna basym kóńil bólingen. Elektrondy bılettendirý tehnologııasy aıasynda jolaýshylarǵa bıletterdi veb-saıttar arqyly satyp alý múmkindikteri usynylǵan. Bıylǵy jyldyń 9 aıynyń ishinde 17 mln astam bılet rásimdelgen, onyń ishinde 11 mln astamy – elektrondy bıletter», — dedi Q. Alpysbaev.
