Osy jyldyń 9 aıynyń qorytyndysy boıynsha ınvestısııalar tartýdyń barlyq túıindi kórsetkishteri ósti. Jańa kásiporyndar men jańa jumys oryndary qurylýda. Investorlarǵa barlyq deńgeılerde memlekettik qoldaý sharalary kórsetilýde. Investısııalar tartýdyń jańa tásilderi engizilip jatyr. Degenmen, Premer-Mınıstr qosymsha jumystardyń oryndalýyn talap etetin birqatar aspektige nazar aýdardy.
Birinshi. Investorlarmen jumys isteý úshin ákimderdiń arnaıy orynbasarlary taǵaıyndaldy, ár óńirde Kazakh Invest ókilderi men ınvestorlarǵa qyzmet kórsetý ortalyqtary bar, óńirlik ınvestısııalyq shtabtar quryldy. Osylaısha, óńirlerde ınvestorlardy tartý úshin tıimdi jumys isteýge barlyq jaǵdaılar jasalǵan. Oblystardyń ákimderine barlyq shtabtyń jumysyn úılestirý jáne ózara is-qımyldy kúsheıtý tapsyryldy.
Investısııalar jáne damý mınıstrliginiń derekterine sáıkes, 2005–2017 jyldar aralyǵynda elimizge $264 tikeleı sheteldik ınvestısııalar tartylǵan. Alaıda, ınvestısııalardyń kólemi jeke qarajattardy tartý jumystaryn kórsetpeıdi. Jalpy, Shymkentte ınvestısııalar 275%-ǵa ósken, al jeke qarjy úlesi tek 65%-dy quraıdy. Osyndaı jaǵdaı Soltústik Qazaqstan, Aqtóbe, Qyzylorda oblystarynda, Astana qalasynda belgilengen. Osyǵan oraı Premer-Mınıstr Baqytjan Saǵyntaev ákimderdiń nazaryn jeke ınvestısııalar tartý kólemin arttyrý qajettigine aýdardy. Osy maqsatta jeke kásiporyndar men kásipkerlerge qolaıly jaǵdaılar jasaý tapsyryldy.
Budan ózge, shet elderdegi ókildikterde de bul jumys kúsheıtilip, naqty úılestirilýi tıis. Elshilikterdiń negizgi jumysy — ınvestısııalar tartý máseleleri. Qandaı elden, qaı elshiliktiń kómegimen qansha ınvestısııalar tartylǵanyn anyqtaý maqsatynda, barlyq elshilikter jumysyndaǵy tartylǵan ınvestısııalarǵa jáne olardyń jumysynyń KPI-na taldaý júrgizý tapsyryldy.
Ekinshi. О́ńirlerde ótkizilip jatqan ınvestısııalyq forýmdar: árbir óńirlik forým qorytyndysyna sáıkes birqatar jobalar boıynsha kóptegen memorandýmdar men kelisimderge qol qoıylady. Baqytjan Saǵyntaev qol qoıylǵan memorandýmdar boıynsha ınvestısııalyq jobalardy iske asyrý sapasyn arttyryp, taldaý júrgizýdi tapsyrdy. Kásiporyndardyń tabysty jumys isteýi el ekonomıkasyn ósirýge qosymsha yqpal etedi.
Úshinshi. Qazaqstanda jumys isteıtin sheteldik ınvestorlar elimizge otbasy múshelerimen birge keledi. Soǵan oraı, olardy tirkeý, balalardy mektepke deıingi mekemelermen, mekteptermen qamtamasyz etý, medısınalyq kómek kórsetý jáne basqa da servıstik qyzmet kórsetýge qatysty máseleler jıi týyndaıdy. Osyǵan baılanysty barlyq ınvestorlarǵa qyzmet kórsetýdi bir portalda ortalyqtandyrýdyń mańyzdylyǵy atap ótildi.
