Maks Agılera-Hellveg, «Nıý-Iork Taıms»
KEID MES jáne MAKS AGILERA-HELLVEG, «NIý-IORK TAIMS» – ÝALTEM, MASSAChÝSETS
Bul robot – SpotMini dep atalady. Ony janýarlar men adamdar sııaqty qozǵalatyn robot jasaýmen tanylǵan Boston Dynamics kompanııasy qurastyrdy. 1992 jyly negizi qalanǵan kompanııa jańa jyldan bastap alǵashqy kommersııalyq robot – SpotMini-di saýdaǵa shyǵarýdy josparlap otyr.
Áıtse de mundaı robottardy qandaı maqsatta paıdalanýǵa bolatyny belgisiz. Birneshe jyldan beri adamdar Boston Dynamics kompanııasyna «bul bıznes pe, álde zertteý jumysy ma?» degen suraqty úzdiksiz qoıyp keledi.
«Bizdiń oıymyzsha, mundaı tehnologııany tıimdi qoldana bastaýǵa múmkindik bar. Alaıda, qazir onyń negizgi qyzmeti qandaı bolatynyn naqty sheshkenimiz joq», deıdi kompanııanyń negizin salýshy Mark Raıbert.
Basqa kompanııalar robottalǵan avtomobılder, joldar men qoıma edenderinde erkin qozǵala alatyn qurylǵylar jasaýmen shuǵyldanady. Al japondyq SoftBank konglomeratyna tıesili Boston Dynamics taý-tasta, ormanda qınalmaı júretin mashına qurastyrýǵa kirisip ketti.
Qazirgi tańda júrgizýshisiz basqarylatyn kólikter qoldanysqa enbeı, derbes qozǵalatyn robottardyń kúni alys sekildi. О́ıtkeni olardyń áli de kemshilikteri bar. Olar kedergilerdi anyqtaý nemese órmeleý sııaqty keıbir tapsyrmalardy óz betinshe jasaǵanymen, beıtanys jerlerde áli kúnge deıin arnaıy nusqaýlyqty qajet etedi. Anyǵyn aıtqanda, olar jıi súrinip, jıi qulap jatady.
M. Raıbert salmaǵy 75 kılogramm, júgiretin, sekiretin, tipti salto jasaı alatyn antopomorfty robot Atlasty eń úzdik dep esepteıdi. Alaıda, alǵashqy synaq kezinde ınjener djoıstıkti basqanda, robot edenge qulap tústi.
SpotMini robotynyń satylym jospary áli shıki. О́ıtkeni onyń quny avtokóliktiń baǵasynan kem emes jáne robotty qurylys kompanııalaryna satý kózdelgen. M.Raıbert myrza olardyń oıly-qyrly, adamdarǵa qaýipti jerlerde zat tasymaldaýǵa múmkindik beretinin alǵa tartady.
Tehnologııa jetilgen saıyn SpotMini jetkizý robotyna ne derbes kúzetshige aınalýy múmkin.
Osynyń bárine qaramastan, Boston Dynamics-tiń bastamasyna qyzyǵýshylyq tanytyp otyrǵandar bar. Uzaq ýaqyt zertteýdi qajet etetin tehnologııaǵa Saýd Arabııasynyń hanzadasy Mohammed bın Salman 100 mıllıard dollar ınvestısııa salyp, kompanııamen seriktestik ornatty.
Japonııalyq ǵalymdar robottardy nazardan tys qaldyrǵan emes. Google kompanııasyna tıesili Schaft kompanııasy Boston Dynamics sııaqty mashınalardy zertteýmen aınalysady. Al Toyota zertteý ınstıtýty Japonııada qarttarǵa qyzmet kórsetetin robottar jasaýmen aınalysyp jatyr.
Mark Raıbert Boston Dynamics robottaryn bıznes ókilderine, úkimet pen basqa da klıentterge satqysy keledi. Adamdar men janýarlardyń áreketin qaıtalaıtyn mashına jasaıtyn ol ózin «temirge jan berýshi» dep ataıdy. Onyń maqsaty osy arqyly aqsha tabý bolsa da, ǵylymǵa tıgizer kómegi orasan.
Árıne tańdanarlyq jaıt. Alaıda, robottardyń salto jasaýǵa qabilettiligi satyp alýshylardy jınaı ala ma?
Maqalany aýdarǵan Mádına JÁLELQYZY,
«Egemen Qazaqstan»
