Budan bylaı oqýshylar turmysqa qajetti zattardy plastıkten ózderi jasaı alady. Bul «Jastar» qoǵamdyq birlestigi men SSKО́B Ekologııa jáne jer qoınaýyn paıdalaný departamentiniń áriptestigi nátıjesinde múmkin bolyp otyr. Oqý ornynda ótken ótken sheberhana tusaýkeserinde ekobelsendiler SSKО́B-tiń qarjylaı kómegimen qurylǵan mamandandyrylǵan «Tanymdy ekologııa jáne energııa únemdeý ortalyǵy» synybyn kórsetti. Jobanyń negizi retinde gollandııalyq ekolog-ónertapqysh Deıv Hakkenstiń tehnologııasy alynǵan.
«2019 jyldan bastap Qazaqstanda plastık qaldyqtardy polıgonda kómýge tyıym salynady. Búginde Qazaqstanda qoqystardy suryptaıtyn eki zaýyt qana bar Onyń biri Astanada jáne ekinshisi Almatyda jaqynda ǵana ashyldy. Sol sebepti qoqysty qaıta óńdeý máselesi ótkir tur. Qoqystardy jınaıtyn jáne suryptaıtyn uıymdardyń kópshiligi plastık ónimderin qaıta óńdeýmen aınalyspaıdy. Tek Reseı men Qytaıǵa qaıta satý úshin qaıtalama shıkizatty shyǵarady. Biz, tym bolmaǵanda, bastapqy deńgeıde plastık qaldyqtardy qaıta óńdep, odan jańa ónim óndirýdi úırenýimiz kerek» deıdi «Jastar» qoǵamdyq jastar birlestiginiń tóraǵasy Maksım Frolov.
Jobany júzege asyrý úshin stanoktar satyp alyndy. Deıv Hakkens oılap tapqan tehnologııa balqytylǵan plastıkten jańa formalardy qurastyrýǵa bolatyn 3D-prınterdiń jumys prınsıpine uqsaıdy. О́ziniń jobasy Deıv Precious Plastic – «Qundy plastık» dep atady.
Satyp alynǵan jabdyqtar gúl ósiretin qumyralar, shelekter, ydystar, plafondar, prınterge arnalǵan jip, ıntererlik plıtkalar men taǵy da basqa qajetti zattardy shyǵarýǵa múmkindik beredi.
Názıra JÁRIMBET,
«Egemen Qazaqstan»
Rýdnyı
