Bolgarııa, Italııa, Reseı, Fransııa jáne taǵy da basqa elderdiń teatr tarlandarymen terezesi teń óner kórsetken jerlesterimiz sheteldikterdiń erekshe iltıpatyna bólendi. 2000 jyldan beri jumys istep kele jatqan ujym ómirinde aıshyqty sátter kóp. 2003 jyly alǵash ret Kaır qalasynda uıymdastyrylǵan halyqaralyq festıvalge qatysyp, alǵashqy qadamy joǵary baǵalanǵan bolatyn. Endi,mine, Qazaqstan atynan jalǵyz barǵan óner oshaǵy Eýropa tórinde de de aıshyqty iz qaldyrdy.
«Bıyl Almatyda ótken halyqaralyq festıvalda biz sahnalaǵan «86» qoıylymy osy sharany uıymdastyrýshy Aralýka hanymǵa unap qalsa kerek, Rýmynııaǵa kelýimizdi qatty ótingen bolatyn. Ondaǵy kórermender qazaq tilin túsinbese de, sahnadaǵy áreketterge, mýzykalyq úılesimdilikke, áýezdi ánderge keremet emosııalyq kóńil-kúımen jaýap berip, dý qol shapalaqpen qoshemet bildirip otyrdy», deıdi S. Muqanov atyndaǵy qazaq sazdy-drama teatrynyń dırektory Birjan Jalǵasbaev.
Teatr qarasha aıynda ótetin Qazaqstan men Reseı arasyndaǵy 15-shi óńiraralyq yntymaqtastyq forýmyna arnaıy qoıylym usynbaq.
О́mir ESQALI,
«Egemen Qazaqstan»
Soltústik Qazaqstan oblysy
