Jalpy 6,5 gektar jer abattandyrylyp, 10 myń tonnadan astam qoqys shyǵarylǵan. Al mundaǵy kópirdiń uzyndyǵy 72 metr bolsa, eni 3 metrdi quraıdy. Sonymen qatar, bóget qaıta jańartylyp, sý aıdyny 60 metrge deıin keńeıdi. Al munda kelip demalýshylar úshin 5 aqqý, 4 úırek pen aq amýr jáne karp sııaqty barlyǵy 3000-ǵa jýyq balyq jiberilgen. Atalǵan jaǵalaýda kanalǵa shyǵatyn 3 pırs, demalys oryndary, balalar oıyn alańdary, sporttyq snarıadtar men sýda júzýge arnalǵan katamarandar qoıylǵan. Al kanaldyń boıynda uzyndyǵy 700 metrdi quraıtyn jaıaý júrginshiler joly salynady.
Atalǵan demalys aımaǵynyń ashylý saltanatynda Jambyl oblysynyń Qurmetti azamaty Amangeldi Kárentaev pen eńbek ardageri О́skenbaı Mádıev sóz alyp, búginde Taraz qalasynyń ásem de kórikti qalaǵa aınalyp kele jatqanyn aıtyp ótti.
Hamıt ESAMAN,
«Egemen Qazaqstan»
Jambyl oblysy
