Qazirgi ýaqytta kompanııanyń ıpotekalyq portfelindegi sheteldik valıýtadaǵy nesıeniń 70 prosenti qaıta qarjylandyrýǵa maquldanǵan jáne olardyń 48%-i qarjylandyrylyp úlgergen.
Atalǵan baǵdarlamaǵa sáıkes Qazaqstan azamattary 2004-2009 jyldary alǵan ıpotekalyq qaryzdary boıynsha tólemderdi nemese 2016 jylǵa deıin alǵan shetel valıýtasyndaǵy ıpotekalyq qaryzdardy tómendete alady. Qaıta qarjylandyrýǵa halyqtyń áleýmettik osal toptaryna (HÁOT) jatatyn qaryz alýshylar, 2015 jyldyń 1 qańtaryna deıin 90 kúnnen astam merzimi ótken bereshegi bar qaryz alýshylar, sondaı-aq shetel valıýtasynda ıpoteka alǵan qaryz alýshylar ótinim bere alady.
Shetel valıýtasynda berilgen ıpotekalyq qaryzdardy erkin aıyrbastaý baǵamy 188,35 teńge. HÁOT jatatyn azamattar úshin qaryzdardy AQSh dollarynan teńgege aıyrbastaǵannan basqa, qaıta qarjylandyrýdan keıin paıyzdyq mólsherleme jylyna 3%-ke deıin tómendemek.
– «Qazaqstan Ipotekalyq Kompanııasy» ıpotekalyq qaryzdardy qaıta qarjylandyrýǵa tek Kompanııanyń nesıe portfelinde qaryzdary bar klıentterden ótinishter qabyldaıtynyn esterińizge salamyz. QR Ulttyq Bankiniń qaıta qarjylandyrý baǵdarlamasyn júzege asyrýǵa sondaı-aq birqatar qazaqstandyq ekinshi deńgeıli bankter qatysýda.
Azamattar teńgedegi jáne shetel valıýtasyndaǵy ıpotekalyq qaryzdardy qaıta qarjylandyrý baǵdarlamasy talaptarymen «QIK» IU» AQ nemese 8 800 080 44 48 jedel jeli telefondary boıynsha tolyǵyraq tanysa alady, – deıdi kompanııa ókilderi.
Arman OKTIаBR,
«Egemen Qazaqstan»
ALMATY
