Ol 27 jasynda soǵysqa attanǵan. 1943 jyly surapyl shaıqastardyń birinde kórsetken erligi úshin memlekettik marapatqa usynylǵan. Alaıda, aýyr jaraqat alyp, 3 aı gospıtalda jatqandyqtan nagrada tapsyrylmaı qalsa kerek. Qarapaıym eńbek adamy 1986 jyly dúnıeden ótkenshe eshkimge nagrada jaıly tis jarmaǵan.
«Eki aǵam soǵysqa deıin dúnıege kelse, men 1948 jyly týyppyn. Ákemiz soǵysta tankıst, beıbit ómirde júrgizýshi boldy. Áskerı tártiptiń adamy edi. Bizdi shymyrlyqqa úıretti. Erte turǵyzyp, otbasymyzben jattyǵý jasaıtynbyz. Birde nemereleri ınternetti qarap otyrǵanda «Qyzyl Juldyz» ordenimen marapattalǵanyn kezdeısoq bilgen. Izdestire kelip aqparattyń ras ekenine kóz jetkizdik», deıdi qyzy Raısa Ýfelman.
Memlekettik nagradany marqumnyń urpaqtaryna Qazaqstandaǵy Reseı Federasııasy elshiliginiń attashesi Sofııa Galchına saltanatty jaǵdaıda tabys etti. Onyń aıtýynsha, ıelerin tappaı júrgen marapattar áli kóp kórinedi. Keı jaǵdaıda qujattar joǵalyp ketedi. Habar-osharsyz ketken maıdangerlerdiń aty-jónin anyqtaý da ońaı kórinbeıdi.
Nıkolaı Mıhaılovıchtiń tegi qate jazylypty. Marapat paraqshasynda Nıkolaı Fondovoı dep kórsetilgendikten, ýaqytyly jetpeı qalsa kerek. Desek te, «ıgiliktiń erte-keshi joq» demekshi, arada 75 jyldan keıin nagrada ıelerin tapty.
О́mir ESQALI,
«Egemen Qazaqstan»
Soltústik Qazaqstant oblysy
