Oqıǵa bolǵan jerde oblystyq TJD jáne «О́rt sóndirýshi» AQ qyzmetkerleriniń kúshimen janǵan ot sóndirilip, gaz qubyryn salqyndatý jumystary júrgizildi. Bul jumystarǵa 34 adam jáne 8 birlik tehnıka jumyldyrylǵan.
Aldyn ala málimetterge qaraǵanda, oqıǵa saldarynan zardap shekkender joq.
«Konvertorlyq sex pen áktasty kúıdirý sexynyń arasyndaǵy qubyr buzylǵan. Qyzmetkerlerdiń qaýipsizdigin qamtamasyz etý boıynsha sharalar qolǵa alynǵan. Jaǵdaıdy baǵalap jatyrmyz. Kombınattyń jumysyn qamtamasyz etý úshin qajetti qadamdar jasalýda», dep málimdedi «ArselorMıttal Temirtaý» AQ baspasóz qyzmeti.
Investısııalar jáne damý mınıstrliginiń resmı aqparatyna saı, qazirgi ýaqytta Temirtaýdaǵy metallýrgııalyq kombınatta oryn alǵan apatty jaǵdaıdy zertteý boıynsha komıssııa qurylǵan.
Qaırat ÁBILDA,
«Egemen Qazaqstan»
Qaraǵandy oblysy,Temirtaý qalasy
