Qazirgi ýaqytta Kalıfornııada úsh iri órt bolyp jatyr, olardyń biri - Soltústik Kalıfornııada - shtat tarıhyndaǵy eń iri jáne joıqyn órt boldy. Jergilikti bıliktiń málimeti boıynsha, ol 42 myń gektardan astam jerge tarady. Osy órtte 25 adamnyń 23-i qaza tapty. Ol Paradaıs qalasyn tolyǵymen joıyp, senbi kúngi málimetter boıynsha, onyń tóńiregindegi jeti myńǵa jýyq qurylystardy joıdy.
Ońtústik Kalıfornııada taǵy eki órt shyqty. Olar Los-Andjeles aýdany men Ventýra aımaǵyna jetti. О́rt Tynyq muhıtqa qaraı taraıdy jáne jaǵalaýdaǵy aýdandarǵa qaýip tóndiredi, sonyń ishinde tanymal kalıfornııalyq Malıbý kýrortyna. Shtatta tótenshe jaǵdaı rejımi jarııalandy. О́rt sóndirýshilerdiń boljamy boıynsha, órttiń taralýyn tolyq baqylaýǵa alý úshin olarǵa shamamen úsh apta qajet bolady.
