Parıjde Birinshi dúnıejúzilik soǵystyń aıaqtalýynyń ǵasyrlyq mereıtoıyna arnalǵan is-shara ótti. Oǵan AQSh, Reseı, Fransııa prezıdentteri men Germanııa kansleri qatysty. Is-shara kezindegi túski as ýaqytynda kóshbasshylar birqatar máselelerdi talqylady.
«Búgin lanch kezinde Tramp Pýtın, Makron jáne Merkelmen, sondaı-aq basqa da kóptegen álemdik kóshbasshylarmen birge otyrdy. Olar birqatar taqyryptardy, sonyń ishinde ortasha jáne az qashyqtyqtaǵy zymyrandardy joıý týraly shartty, Sırııa men Saýd Arabııasyndaǵy jaǵdaıdy, saýda máselesi,sanksııa, Aýǵanstan, Qytaı men Soltústik Koreıa sııaqty taqyryptardy talqylady», dedi Aq úıdiń baspasóz hatshysy Sara Sanders.
