Qys maýsymyna daıyndyq barysynda qalanyń kommýnaldyq qyzmetine jaıaý júrginshiler júretin trotýarlar men aýla ishin jedel tazartýda PIK-terdiń jumysyn barynsha kúsheıtý qajettigi eskertildi. Osy iske jaýapty merdigerlik uıymdardyń jumysyn Almaty qalasynyń Tabıǵı resýrstar jáne tabıǵatty paıdalanýdy retteý basqarmasy baqylaıtyn bolady.
«Qalany rekonstrýksııalaýǵa baılanysty jańarǵan dańǵyldar men kóshelerde arnaıy tehnıka, onyń ishinde kópfýnksıonaldy Pony mashınalary, mını júktıegishter, jeńil traktorlar jumys isteıtin bolady. Al jumysshylar tóselgen zattarǵa esh aqaý túsirmeıtin arnaıy quraldardy paıdalanady», - deıdi basqarma bastyǵy Áset Masabaev.
Ol óziniń sózinde qalada qardan tazartylatyn joldyń jalpy kólemi 20 mln. m².ekenin aıtty. Kóshelerdi qysta 13 merdigerlik uıym, 1285 arnaıy tehnıka birligi tazartady. Jol tazalaıtyn jumysshylar sanyn 1700-den 3200 adamǵa jetkizý josparlanǵan.
«Aýdandar boıynsha óndiristik bazalar qurylǵan, bul qar tazalaý jumystaryn 1,5 ese jedeldetedi. Jumysshylar dıslokasııasy janyna modýldy konteınerler qoıylady, olar sol jerde kıinip, jylynyp, ystyq as ishedi. Polısııa jáne Qutqarý qyzmetimen birge evakýator kezekshiligi uıymdastyrylady jáne sypyrý-jınaý tehnıkalary qatar júredi» deıdi jaýapty mamandar.
Arman OKTIаBR,
«Egemen Qazaqstan»
ALMATY
