Tuńǵysh ret Atyraý qalasynda Jastar saıasaty máseleleri basqarmasynyń qoldaýymen, «Jastar tańdaýy – Atyraý» QB uıymdastyrýymen qaıyrymdylyq baly joǵarǵy deńgeıde ótti.
- Elbasymyzdyń Rýhanı jańǵyrý baǵdarlamasy aıasynda uıymdastyrylǵan osynaý sharanyń negizgi maqsaty - Atyraý jastarynyń óńirimizdiń jastarynyń mádenıetke degen, ónerge degen qulshynysyn arttyrý bolsa, ekinshi maqsaty - jaqsylyq jasaý arqyly jaqsylyq jasaǵan adam men muqtaj adamdardyń júrekterine jaqsylyq jylýyn uıalatý. Barlyqtaryńyzdyń biraýyzdan qoldap kelgenderińiz úshin alǵys bildiremiz, - dedi óz sózinde oblystyq jastar máseleleri basqarmasynyń basshysy Rollan Quspan.
«1st Grand Ball Atyrau» qaıyrymdylyq balyna qatysqan 18-29 aralyǵyndaǵy 150 jas debıýtant bir aı kóleminde polonez, kadrıl, polka, kazaq valsi bılerin úırenip, balda óz ónerlerin kórsetti.
Sondaı – aq, bal debıýtanttary jáne estrada juldyzdary birqatar qaıyrymdylyq sharalardy júzege asyrdy. Atap aıtsaq, «Shańyraq» balalar úıi jáne qarttar úıinde konserttik baǵdarlamalaryn usynyp, «Júrekten júrekke» qaıyrymdylyq aksııasy aıasynda 100 otbasyǵa kómek kórsetti.
Uıymdastyrýshylar qaıyrymdylyq grand balynan jınalǵan 2 mıllıonǵa jýyq qarajatty tolyqtaı Erlan Kúmisqalıevtiń «Atyraý. Malenkaıa strana» qoǵamdyq birlestigine tabystady.
- Bizdiń maqsatymyz - shaǵyn memleketimizdegi balalarymyzdy úlken memleketke jetkizý. Baldan túsken qarajatty álemdegi úshinshi erekshe balalarǵa arnalǵan qalashyq ashýǵa jumsamaqpyn. Mundaı qalashyq Ulybrıtanııa jáne Reseı memleketterinde bar. Úshinshisin, Qazaqstanymyzda, Atyraý qalasynda keler jyly kóktemde ashý josparlanýda. Sharany uıymdastyrǵan Alpamys Sharımov bastaǵan ujymǵa, sondaı-aq osy sharaǵa at salysyp, ónerlerin kórsetip, qaıyrymdylyq jasaǵan barsha janǵa alǵysym sheksiz,- deıdi qoǵamdyq qor jetekshisi Erlan Kúmisqalıev.
Aıta keteıik, debıýtanttar arasynda keshtiń hanzadasy men hanshaıymy anyqtalyp, olar Astanada ótetin respýblıkalyq VIII grand balǵa joldama aldy.
