2015 jylǵy naýryz aıynda «Atyraý» ÁKK» AQ-men birlestikte «ATMA» Atyraý áýejaıy jáne tasymaldaý» AQ-nyń quryltaıyshysy bolyp tabylatyn Talapker Qazaqstan Respýblıkasyna qarsy tórelik proseske bastama jasady.
2018 jylǵy 4 shildede Parıj qalasyndaǵy Halyqaralyq saýda palatasynda negizgi tyńdaýlar ótti.
Talapker Atyraý halyqaralyq áýejaıyn qurý arqyly janarmaı jetkizý, júk qyzmeti jáne tikushaqtarǵa qyzmet kórsetý boıynsha qyzmetterdi eksproprıasııalaý boıynsha is-sharalardy júzege asyrdy dep Qazaqstan Respýblıkasyn aıyptap, sondaı-aq Qazaqstan Respýblıkasy Talapkerdiń «ATMA» Atyraý áýejaıy jáne tasymaldaý» AQ-ǵa salǵan qosymsha ınvestısııalaryn óteýi kerek dep talap etti.
Talaptardyń somasy 16 mln. AQSh dollaryn jáne paıyzdar men tórelik shyǵyndardy qurady.
Taraptardyń dálelderdin zerdelep, Trıbýnal Talapkerdiń barlyq talaptaryn qabyldamaı tastady. Trıbýnaldyń qoryta aıtqany, Qazaqstannyń memlekettik organdary janarmaı jetkizý, júk qyzmeti jáne tikushaqtarǵa qyzmet kórsetý boıynsha qyzmetterdi eksproprıasııalaý boıynsha, sondaı-aq Talapkerge qosymsha ınvestısııalardy qaıtarýda kedergi jasap, eshqandaı áreket jasamady.
Sonymen qatar, Tórelik trıbýnaldyń atap ótkeni, qazaqstandyq sot júıesi sheteldik ınvestorlardyń quqyqtaryn buzbaı, zańdylyq jáne ádildik qaǵıdattaryna sáıkes áreket etti.
Budan basqa, Trıbýnal Qazaqstan Respýblıkasynyń Talapkerge qosymsha ınvestısııalardy óteý boıynsha qandaı da bir mindettemeleri joq dep qaýly etip, Qazaqstan sheteldik ınvestısııalardy qorǵaý boıynsha halyqaralyq mindettemelerin tolyqtaı oryndady degen qorytyndyǵa keldi.
Osylaısha, Trıbýnal Talapker shamamen 500 000 AQSh dollaryn quraıtyn somaǵa jumysty uıymdastyrý úshin jumsalǵan jáne tórelik shyǵyndardy kóterýi kerek dep qaýly etti.
Qazaqstan Respýblıkasynyń Ádilet mınıstri Marat Beketaevtyń aıtýynsha, «Tórelik trıbýnaldyń sheshimi Qazaqstannyń aýmaǵynda sheteldik ınvestorlardy jan-jaqty qoldaý saıasatyn burynǵysha ustanatyn Qazaqstan Respýblıkasynyń pozısııasyn tolyqtaı rastaıdy».
