Búgin Ortalyq kommýnıkasııalar qyzmetinde Atyraý oblysynyń ákimi Nurlan Noǵaevtyń qatysýymen baspasóz konferensııasy ótti. О́ńir basshysy «Memleket Basshysynyń Joldaýyn iske asyrý aıasynda 2018 jyldyń 9 aıyndaǵy Atyraý oblysynyń áleýmettik-ekonomıkalyq damý qorytyndylary» taqyrybynda sóz sóıledi.
Atap aıtqanda, Nurlan Noǵaev jańa jumys oryndaryn ashý máselelerine jáne memlekettik baǵdarlamalarǵa qatysýǵa tartý sharalaryna toqtaldy.
- Atyraý oblysyndaǵy jumyssyzdyq deńgeıi bıylǵy jyldyń ekinshi toqsanynda 4,9% - dy qurady. Jalpy 26 494 jańa jumys orny quryldy, onyń ishinde 16 246 – turaqty jáne 10 248 - ýaqytsha. Jumyspen qamtý ortalyǵymen 16 666 adam jumysqa ornalastyryldy, qoǵamdyq jumystarǵa 4 956 adam jiberildi, 411 adam kásiptik daıarlyqtan ótti.
- Memleket Basshysynyń Joldaýyn iske asyrý aıasynda óńirde halyqtyń ál-aýqatyn arttyrý boıynsha jumystar júrgizilýde. 2019 jyldyń 1 qańtarynan bastap 1720 kásiporynda 42 myń teńge jalaqy alatyn 10 415 adamnyń jalaqysy ulǵaıtylady. Qazirgi ýaqytta óńirdiń 21 kásipornynda qyzmetkerlerdiń jalaqysyn arttyrý sharalary júrgizilýde. Bul kásiporyndarda jalpy alǵanda 2 587 adam jumys isteıdi, - dep naqtylady Nurlan Noǵaev.
Sonymen qatar, «Bıznestiń jol kartasy-2020» memlekettik baǵdarlamasy aıasynda 1166 kásipker 81,4 mlrd.teńgege memlekettik qarjylyq qoldaý sharalarymen qamtamasyz etildi. Qarjylandyrý 5778 jańa jumys ornyn ashýǵa múmkindik berdi, bul rette 15 970 jumys orny saqtalyp qaldy.
