О́ńir basshysy «Memleket Basshysynyń Joldaýyn iske asyrý aıasynda 2018 jyldyń 9 aıyndaǵy Atyraý oblysynyń áleýmettik-ekonomıkalyq damý qorytyndylary» taqyrybynda sóz sóıledi.
Onyń aıtýynsha, bıyl Atyraý oblysynda 13 nysan paıdalanýǵa berildi: 724 oryndyq 2 mektep, 1000 oryndyq 5 balabaqsha, 600 oryndyq 2 mádenıet úıi, 1 densaýlyq saqtaý nysany, 480 oryndyq 2 dene shynyqtyrý-saýyqtyrý kesheni jáne 100 oryndyq 1 jataqhana.
- Jyl sońyna deıin jalpy alǵanda 30 áleýmettik nysannyń qurylysyn aıaqtaý josparlanýda: 1244 oryndyq 6 mektep, 1960 oryndyq 10 balabaqsha, 700 oryndyq 3 mádenıet úıi, 4 densaýlyq saqtaý nysany, 70 oryndyq 2 dene shynyqtyrý-saýyqtyrý kesheni, qaladan shyǵatyn joldarda 4 stasıonarlyq kólik polısııa beketi jáne mamandandyrylǵan HQKO, - dedi Nurlan Noǵaev.
Atyraý oblysynyń ákimi aıtyp ótkendeı, kelesi jyly 28 áleýmettik nysannyń qurylysy aıaqtalady: 3264 oryndyq 7 mektep, 850 oryndyq 3 balabaqsha, 1200 oryndyq 5 mádenıet úıi, 3 densaýlyq saqtaý nysany, 123 oryndyq 2 dene shynyqtyrý-saýyqtyrý kesheni, 450 oryndyq 3 jataqhana, 1 kolledj, 1 lıseı, oqýshylar men jastar saraıy, Qulsary qalasyndaǵy kitaphana men murajaı.
Sondaı-aq, Nurlan Noǵaevtyń aıtýynsha, Memleket Basshysynyń «Rýhanı jańǵyrý» baǵdarlamalyq maqalasynda kórsetilgen mindetterdi iske asyrý jumystary Atyraý oblysynda bekitilgen keste boıynsha júrgizilýde. Jalpy 127 mańyzdy is-sharalar ótkizý josparlanýda, onyń ishinde: 5 halyqaralyq, 2 respýblıkalyq, 75 oblystyq, 45 qalalyq jáne aýdandyq aýqymdaǵy is-sharalar bar.
