Batys Qazaqstan oblystyq polısııa departamentine qarasty kınologııalyq qyzmet ortalyǵy qylmystyń aldyn alý jáne bolǵan qylmystardy ashý kezinde erekshe úles qosyp keledi. Munda 28 izshil, ıisshil ıt arnaıy kınolog mamandardyń úıretýimen táýlik boıy kezekshilikte júr. Jedel-izdestirý tobymen birge olar esirtki, jarylǵysh zattar men qarý-jaraqtardy izdep taýyp, oqıǵa ornynda qylmyskerdiń izine túsý jáne tutqyndaý sharalaryna qatysady.
– Jyl basynan beri ótken on aı ishinde qyzmettik ıtterdiń kómegimen 227 urlyq, 27 tonaý, 56 esirtki qylmysy ashyldy. Eki adamnyń ólimine jáne bir adamnyń aýyr jaraqatyna baılanysty qylmystardy áshkereleýge de bizdiń tórt aıaqty dostarymyz ólsheýsiz úles qosty, – deıdi Batys Qazaqstan oblystyq polısııa departamenti baspasóz qyzmetiniń qyzmetkeri Álııa Naýryzǵalıeva.
Kınologııalyq qyzmet ortalyǵynyń bastyǵy, polısııa ma-ıory Talap Ásetovtiń aıtýynsha, qyzmettik ıtterdi úıretip, baýlyǵansha kóp ýaqyt ótedi. «О́z isin súıip jasaıtyn, ıtimen shynaıy dostyq ornatqan maman ǵana naqty nátıjege jetedi», deıdi ol.
Qazbek QUTTYMURATULY,
«Egemen Qazaqstan»
Batys Qazaqstan oblysy
