Ekonomıkalyq negizi myǵym elge turaqtylyqpen birge damýǵa yqpal týǵyzatyn jaǵdaı jasaý qazir basty maqsatymyz bolyp otyr. Aýqymdy ózgeristerdiń qarqynyn tómendetpeý úshin bılik tarmaqtarynyń ókilettikterin qaıta bólý boıynsha Elbasynyń bastamasymen Konstıtýsııaǵa jáne zańdarǵa ońtaıly ózgerister engizilgen bolatyn. Saıası reformanyń nátıjesinde Úkimetke, mınıstrlikterge jáne ákimdikterge áleýmettik-ekonomıkalyq úrdisterdi retteýdegi birshama ókilettikter berilgennen keıin bıliktiń atqarýshy tarmaǵynyń sheshim qabyldaý jyldamdyǵy men jaýapkershiligi arta tústi. Osy oraıda memlekettik apparattyń kásibıligin arttyrý mańyzdylyǵy aldyńǵy qatarǵa shyqty.
«Memlekettik qyzmettiń jaǵdaıy týraly» Ulttyq baıandamada kórsetilgendeı, Qazaqstannyń memlekettik qyzmeti reformasynyń nátıjesinde transparentti jáne esep beretin memleket qalyptasyp, kásibı memlekettik apparat quryldy, quqyq ústemdigi men jazanyń bultartpastyǵy qamtamasyz etildi. Kásibı memlekettik apparatty qurý úshin memlekettik qyzmet merıtokratııa, pragmatızm jáne adaldyqqa súıengen mansaptyq modelge kóshirildi. Memlekettik qyzmetke kásibıligi joǵary mamandardy tartý jáne jumys istep júrgen memlekettik qyzmetshilerdiń ýájdemesin arttyrý maqsatynda jańa eńbekaqy tóleý júıesi qoldana bastady, onyń alǵashqy oń nátıjelerin Elbasy óz baıandamasynda atap ótti. Aıta ketetin jaıt, eńbekaqynyń 2-2,5 ese ósýi memlekettik organnyń óz bıýdjeti esebinen júrgizilip jatyr. Iаǵnı ol qosymsha qarjyǵa súıenbeı, ishki rezervterdiń negizinde júrgiziledi. Mysaly, memqyzmetshilerdiń fýnksıonaldy mindetterin qaıta qaraý negizinde shtattyq kesteni ońtaılandyrý, memlekettik organǵa tán emes jumystardy naryqqa berý úrdisin jalǵastyrý, memlekettik organnyń qaramaǵyndaǵy mekemelerdi qysqartý nemese naryqqa berý, basshynyń qaramaǵynda keminde 10 qyzmetshiden az bolmaý, bar vakansııalardy qysqartý jáne taǵy basqalary.
Memlekettik qyzmet isteri jáne sybaılas jemqorlyqqa qarsy is-qımyl agenttigi ózine fýnksıonaldy taldaý júrgizgennen keıin artyq qurylymdar jáne basshylyq laýazymdardyń qysqartylýy esebinen qyzmetkerler jalaqysyn 2-2,5 esege deıin kóterýge múmkindik aldy. Sıfrlandyrý negizindegi kadrlardy basqarý, memlekettik satyp alý, quqyqtyq qyzmetter ortalyqtandyrylyp, keleshekte 4600 qyzmetker qysqaryp, jylyna 5,5 mlrd teńge únemdeledi dep kútilip otyr. Qazirdiń ózinde memlekettik organdar óz jumystaryna baǵa berip, nátıjeliligi tómen úrdisterden jáne tıimdiligi tómen materıaldyq resýrstardan bas tartý joldaryn anyqtap alǵany jón. Jergilikti jerlerde memlekettik nemese jergilikti bıýdjetten qarjylanatyn jyljymaıtyn múlik sany kóp, onda jumys istep jatqan qyzmetkerlerdi bir ǵımaratqa jaıǵastyrýdyń ózi kóp qarjyny únemdeıtini anyq.
Elbasy Joldaýda memlekettik organdar qyzmetiniń tıimdiligin túbegeıli arttyrý kerektigin naqtylap aıtty. Memleket pen qoǵam arasyndaǵy alshaqtyqtyń qysqarýy memqyzmetshilerdiń halyqqa sapaly qyzmet kórsetýiniń birden-bir kórsetkishi ekenin eskertti. Muny ashyqtyq negizinde keri baılanys ornatyp, halyqtyń máselelerin der kezinde jáne sapaly túrde sheshý, memleketimizdi kórkeıtý dep túsiný kerek.
Strategııalyq memlekettik qyzmetti qurý jolynda Qazaqstan Prezıdenti janyndaǵy Memlekettik basqarý akademııasy ýákiletti organmen birlesip birshama jumystar atqaryp keledi. Atap aıtqanda: tájirıbege baǵdarlanǵan oqý baǵdarlamalary bekitilip, memlekettik qyzmetshilerdiń quzyrettiligin arttyrýǵa baǵyttalǵan pánder engizildi, shetel ýnıversıtetterin bitirgen jáne memlekettik qyzmette kóp jylǵy eńbek ótili bar, úsh tildi erkin meńgergen mamandar dáris berýge tartyla bastady, akademııa «Sıfrly Qazaqstan» baǵdarlamasyna engen jalǵyz joǵary oqý orny bolyp materıaldyq-resýrstyq bazasyn jańartty, oqýǵa qabyldaý úrdisi memlekettik organdar men memlekettik qyzmetshilerdiń suranysyna beıimdelip, ashyqtyq qaǵıdatyna negizdelip júrgizildi, akademııanyń bilim berý júıesi oblys ortalyqtarynda jańadan boı kótergen fılıaldarǵa taratylyp, aımaqtardaǵy bilim berý sapasy joǵarylatyldy. Elbasynyń Memlekettik basqarý akademııasynda Nazarbaev Ýnıversıtetpen birlesip, «Jańa formasııanyń basshysy» arnaıy qaıta daıarlaý oqý baǵdarlamasyn júrgizý týraly tapsyrmasy ýaqtyly jáne sapaly túrde oryndalady.
Prezıdenttiń memlekettik qyzmetshilerge jasap jatqan áleýmettik, ekonomıkalyq qoldaýlary negizinde jańa belesterdi baǵyndyrýǵa bizde tolyq múmkindik bar.
Erlan ÁBIL,
Qazaqstan Prezıdenti janyndaǵy Memlekettik basqarý akademııasynyń Basqarý ınstıtýtynyń dırektory
