Onyń aıtýynsha, bıylǵy 1 qarashaǵa jergilikti bıýdjetke 118,7 mıllıard teńge nemese esep berý kezeńindegi josparǵa 96,7% kiris túsken. Túspeı qalǵan kiris 4,1 mıllıard teńge. Bul tolyǵymen salyqtyq emes túsimge jatady.
Mańǵystaý oblysy boıynsha jer qoınaýyn paıdalaný jáne geologııa ınspeksııasynyń basshysy A.Kelbet pen jer qatynastary basqarmasynyń basshysy E.Dúzmaǵambetov geologııa salasy men jer qoınaýyn paıdalanýdyń damýy týraly baıandama jasady. Mańǵystaý oblysynyń aýmaǵynda barlyǵy 251 jer qoınaýyn paıdalanýshy barlaý men óndirýdi júzege asyrady. Qazaqstan Respýblıkasy Investısııalar jáne damý mınıstrligi bekitken 2018 jyldyń birinshi jarty jyldyǵynda 27 ishinara tekserý josparlanǵany týraly málimdedi. Barlyǵy KSSh (kómirsýtek shıkizaty) boıynsha 7 tekserý, KTPQ (Keń taralǵan paıdaly qazbalar) boıynsha 12 tekserý, JS (Jerasty sýlary) boıynsha 2 tekserý júrgizilgen. «Batysqazjerqoınaýy» О́D Mańǵystaý óńirlik ınspeksııasy boıynsha 2018 jyldyń birinshi jartyjyldyǵynda 5 844 150 teńge aıyppul salyndy.
О́ńirde metall emes paıdaly qazbalar - kómir, fosforıtter, bor, qurylys tastary, kirpish sazdaqtar, keramzıt jáne bentonıt sazdary jáne basqalary bar ekenin jetkizgen baıandamashy ashylǵan ken oryndarynyń 90%-dan astamyn jer qoınaýyn paıdalanýshylar óndirip jatqanyn jetkizdi.
Mańǵystaý oblysynda jer qoınaýyn paıdalanýǵa arnalǵan 314 kelisim-shart jumys isteıdi.
Jer qatynastary basqarmasynyń basshysy E.Dúzmaǵambetovtyń aıtýynsha, búgingi kúni monıtorıng qorytyndysy negizinde oblysta tirkelgen 241 jer qoınaýyn paıdalanýshynyń 165 ýchaskesinde kelisim-sharttan tys paıdalanylǵan aımaqtar kórsetilgen. Qazirgi kezde, kásiporyndardyń balansyndaǵy paıdaly qazbalar qory: Kespe qurylys tas (áktas- ulýtas)147 mıllıon tekshe metr, qurylys qıyrshyq tas 215 mıllıon tekshe metr, qum-qıyrshyq tas qospasy 88 mıllıon tekshe metr, bordyń qory 125 mıllıon tekshe metrdi quraıdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
