«Elbasynyń bıylǵy 7 qarashada Qaýipsizdik keńesinde bergen tapsyrmalaryn Energetıka mınıstrligi oryndaıdy», — dep baıandady Q. Bozymbaev.
Memleket basshysynyń tapsyrmasyna sáıkes energııa óndirýshi uıymdardyń elektr energııasyna arnalǵan shekti tarıfteriniń obektıvti deńgeıi belgilenetin bolady.
«2019 jylǵy 1 qańtardan bastap elektr qýatynyń naryǵy engizilgen soń elektr energııasyn óndirý sektory úshin jańa tarıftik ádisnama qoldanylady», — dedi Q. Bozymbaev.
Energııa óndirýshi uıymdardyń elektr energııasynyń quny qýat tarıfi jáne elektr energııasyna tarıf retinde bólinetin bolady. Mınıstrlik eki komponenttiń (qýat baǵasy men elektr energııasynyń baǵasy) qosyndysy boıynsha elektr stansııalary úshin elektr energııasyna baǵany tómendetý boıynsha sharalar qabyldaıdy.
«Búgingi tańda negizgi elektr stansııalaryn tekserý boıynsha Bas prokýratýramen birlesken jumys aıaqtaldy. Energetıka mınıstrliginde keste bekitilip, barlyq energııa óndirýshi uıymdardy tyńdaý bastaldy. Atalǵan jumysty bıylǵy 20 qarashaǵa deıin aıaqtaımyz. Osy aıdyń sońyna deıin tıisti buıryq qabyldanýy tıis», — dedi mınıstr.
Elektr energııasyna obektıvti shekti tarıfterdi belgileý energııa óndirýshi uıymdardyń satý baǵasyn tómendetýge múmkindik beredi.
Mınıstr energııa óndirýshi uıymdardyń satý baǵasyn ózgertýiniń negizinde, tabıǵı monopolııalar salalarynda basshylyqty júzege asyratyn ýákiletti organ (Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti) túpki tutynýshylar úshin elektr energııasynyń qunyn tómendetý boıynsha sharalar qabyldaýy tıis ekenin aıtty.
Budan ózge, energııa óndirýshi uıymdardyń elektr energııasyna tarıfterin tómendetý maqsatynda Energetıka mınıstrligi Buıryq jobasyn ázirledi. Bul jobada taýarlyq gazdyń shekti kóterme baǵalaryn tómendetý kózdelgen.
«Bizdiń baǵalaýymyz boıynsha, kóterme saýda baǵasyn 2019 jylǵy 1 qańtardan bastap tómendetý − taýarlyq gazdyń túpkilikti baǵasyn óńirge baılanysty gaz paıdalanatyn elektr stansııalary úshin 6-15%-ǵa tómendetýge múmkindik beredi. Buıryqty osy jyldyń qarasha aıynyń sońynda bekitý josparlanǵan», — dedi mınıstr.
Energetıka mınıstrliginiń gazǵa kóterme saýda baǵalaryn tómendetý negizinde, Tabıǵı monopolııalardy retteý komıteti tıisti buıryqtar qabyldap, elektr stansııalary úshin gaz baǵasyn tómendetýi tıis.
Elektr energııasy men taýarlyq gaz baǵalaryn tómendetýge baǵyttalǵan sharalar 2018 jylǵy qarasha aıynyń sońyna deıin Mınıstrliktiń tıisti Buıryǵy retinde bekitiledi. Atalǵan Buıryq 2019 jyldyń 1 qańtarynan bastap qoldanysqa engiziledi.
