Memleket basshysynyń 2018 jylǵy 7 qarashada Qaýipsizdik keńesinde bergen tapsyrmalaryn iske asyrý maqsatynda Mınıstrlik birqatar sharalar qabyldady.
Qysqa merzimdi sharalar sheńberinde, birinshiden, QR Bas Prokýratýrasynyń usynymyn oryndaý aıasynda monopolısterdiń elektr energııasyn berý jáne jabdyqtaý salasyndaǵy qyzmetterge arnalǵan tarıfterdi tómendetý boıynsha jumys júrgizildi.
Osylaısha, búginde tarıfter tómendetildi:
10 monopolıst boıynsha jylýmen jabdyqtaý qyzmetterine 4,4 mlrd teńge somaǵa (Astana jáne Almaty qalalary, Aqmola, Aqtóbe, Almaty, Batys Qazaqstan, Jambyl, Qaraǵandy, Shyǵys Qazaqstan oblystary);
14 monopolıst boıynsha elektr energııasyn taratý jáne jabdyqtaý qyzmetterine 12,1 mlrd teńge somaǵa (Astana, Almaty jáne Shymkent qalalary, Pavlodar, Qaraǵandy, Atyraý, Aqtóbe, Aqmola, Shyǵys Qazaqstan, Almaty, Qyzylorda jáne Batys Qazaqstan oblystary).
Ekinshiden, halyqpen keri baılanysty uıymdastyrý úshin barlyq oblys ortalyqtarynda, Astana, Almaty jáne Shymkent qalalarynda, sondaı-aq oblystyq mańyzy bar qalalarda 2018 jylǵy 12 qarashada buqaralyq aqparat quraldarynyń, jergilikti atqarýshy organdardyń, Ulttyq kásipkerler palatasynyń, «Nur Otan» partııasynyń, qoǵamdyq birlestikterdiń jáne basqa da múddeli tulǵalardyń qatysýymen turǵyn úı-kommýnaldyq sharýashylyq salasyndaǵy túıitkildi máseleler boıynsha halyqty qoǵamdyq qabyldaýlar ashyldy.
T. Súleımenov tek qana bir kúnde qatysýshylar sany 617 adamdy quraǵanyn atap ótti. Osyndaı qoǵamdyq qabyldaýlar apta saıynǵy negizde ótkiziletin bolady.
Úshinshiden, ótkizilgen qoǵamdyq qabyldaýlar qorytyndylary boıynsha 2018 jylǵy 16 qarashaǵa deıin kelip túsken shaǵymdardyń negizinde sýmen jabdyqtaý, sý burý, jylýmen jabdyqtaý jáne elektr energııasy men gazdy berý, jabdyqtaý qyzmetterin kórsetetin bazalyq monopolıster qyzmetine jospardan tys tekserister júrgizý uıymdastyrylatyn bolady.
Sonymen qatar, ulttyq ekonomıka mınıstri orta merzimdi sharalarǵa qatysty sóz qozǵady. Máselen, tarıfterdi belgileý jáne monopolısterdiń tarıftik smetalar men ınvestısııalyq mindettemelerdi oryndaýdy baqylaý ashyqtyǵyn kúsheıtý úshin qoldanystaǵy zańnamaǵa ózgerister engizilýde.
Birinshi. Qazir QR Parlamenti Májilisiniń qaraýyndaǵy «Tabıǵı monopolııalar týraly» zań jobasy tarıftik smetalardy jáne ınvestısııalyq baǵdarlamalardy iske asyrý boıynsha monopolısterdiń esepterin qaraý barysynda tutynýshylardyń quqyqtaryn qorǵaý jónindegi qoǵamdyq birlestikterdi tartýdy kózdeıdi. Mınıstr tutynýshylardyń múddeleri úshin belgili bir biliktilik talaptarǵyna negizdelgen áleýmettik tapsyrys esebinen memlekettik bıýdjetten qarjylandyrýdy usyndy.
Budan basqa, zań jobasynda monopolısterdiń tarıfterdi bekitý jáne materıaldarǵa tolyq qoljetimdilikti qamtamasyz etý jáne barlyq tutynýshylar úshin tarıfterdi esepteý úshin ótinishterin qaraýdyń elektrondyq formatyna kóshirý qarastyrylǵan.
«E-monopolıst aqparattyq júıesi osy jyldyń 1 shildesinen bastap engizildi. Bul derekter bazasy arqyly tutynýshylar engizgen usynystar júıelendirilip, ári qaraı qoǵamdyq tyńdaýlarda talqylanady», — dedi T. Súleımenov.
Ekinshi. QR UEM aqparatyna sáıkes, qazirgi ýaqytta «Tabıǵı monopolııalar týraly» Zań jobasyna Parlament Májilisi depýtattarynyń túzetýlerine arnalǵan Zań jobasy qaralyp jatyr. Ol tómendegini qamtıdy:
Monopolısterdiń ınvestısııalyq baǵdarlamalardy oryndaý is-sharalarynyń syrtqy tehnıkalyq saraptamasyn engizý.
Turǵyn úı-kommýnaldyq sharýashylyǵy obektilerine tikeleı barýmen, BAQ, «Atameken» palatasynyń ókilderiniń, qoǵamdyq birlestikterdiń, jergilikti atqarýshy organdar men múddeli tulǵalardyń qatysýymen ınvestısııalyq baǵdarlamalardy oryndaýdyń qoǵamdyq monıtorıng ınstıtýtyn engizý.
Tabıǵı monopolııalar sýbektileriniń tarıftik smetalar men ınvestısııalyq baǵdarlamalardyń oryndalýy týraly tutynýshylardyń aldyndaǵy jarııa esepterin ótkizýdi jyl saıynǵy merzimnen jarty jyl saıyn ótkizip turý.
«Monopolısterdiń qarajatty maqsatty paıdalanýyn tolyqqandy memlekettik baqylaý maqsatynda Mınıstrlik zańnamaǵa tabıǵı monopolııalar jáne qoǵamdyq mańyzy bar naryq sýbektilerine tekseris júrgizý júıesin qaıta qaraýdy jáne qatańdatýdy kózdeıtin jańa túzetýlerdi ázirledi», — dedi T. Súleımenov.
QR Ulttyq ekonomıka mınıstrligi zańnamaǵa usynyp otyrǵan túzetýler:
Monopolıster qyzmetin memlekettik baqylaýdy Kásipkerlik kodekste kózdelgen tekserister júrgizýdi uıymdastyrýdyń jalpy tártibinen shyǵarý. Bul monopolısterdi tekserýdi neǵurlym olardyń sanyn keń qamtýmen júıeli negizde ótkizýge múmkindik beredi.
Tarıftik retteýshige memlekettik organdardyń derekter qoryna qoljetimdilik usyný. Bul tarıftik smetalar jáne ınvestısııalyq baǵdarlamalar is-sharalarynyń oryndalýy týraly esepterdi qarjylaı quraldardy, salyqtyq túsimderdi jáne ónimdi ótkizý kólemderimen jalǵan, zańsyz syzbalardy anyqtaý úshin salystyrý qajet.
Tarıftik retteýshige monopolıst azamattyq-quqyqtyq qatynastarda bolǵan úshinshi tulǵalarǵa qatysty kezikpe tekseris júrgizý quqyǵyn usyný.
Quqyq qorǵaýshy organdardyń tarıftik retteýshiniń suraýy boıynsha monopolıster qyzmetin tekserýlerge qatysý múmkindikterin belgileý.
Osy túzetýler quptalǵan jaǵdaıda «Tabıǵı monopolııalar týraly» jáne «Bıznes ortany jáne saýda qyzmetin retteýdi damytý týraly» zań jobalarynda kórinis tabatyn bolady. Eki zań jobasy da Májilistiń qaraýynda.
