– Memleket basshysy Joldaýda «Shaǵyn jáne orta bıznes sýbektilerin keńinen tarta otyryp, turmystyq qatty qaldyqtardy zaman talabyna saı ýtılızasııalaý jáne qaıta óńdeý boıynsha keshendi sharalar ázirleýdi» tapsyrdy. Qazirgi tańda tıisti jumys atqarylýda. 9 aı ishinde 120 myń tonna qaldyq jınalyp, onyń 3040 tonnasy paıdaǵa jaratyldy, – dedi Marat Erdáýletuly.
Oblystaǵy «Ybyraıhan jáne K-LTD» kompanııasy 2004 jyldan beri qatty qaldyqtar aınalymyn basqarý isimen aınalysyp keledi. О́zge kásipkerler de turmystyq qatty qaldyqtardan shatyr jamylǵysyn jáne jaıaý júrginshiler jolyna arnalǵan tósenishter jasap jatyr.
«Eko-N Servıs», «TemirJas Group» JShS isten shyqqan, quramynda jaramsyz synaby bar shamdardy zalalsyzdandyrýdy júzege asyryp keledi. Qarmaqshy aýdanyndaǵy «StroıServıs» seriktestigi aýdan turǵyndarynan jáne kórshi aýdandardan polıetılen paketterdi qabyldap, plastmassa trýba shyǵarýdy josparlap otyr.
О́rkenıetti elderde turmys qaldyqtaryn óńdep, el qajetine jaratý álimsaqtan bar. Japonııa sııaqty memleketter jaramsyz qaldyqtardy presstep muhıt shaıǵan jaǵalaýdy bekitip jatyr. Eýropa qaldyqty óńdep, qaldyq qaldyrmaıdy. Sol jaqsy úderis bizge de jetti.
Baqtııar TAIJAN,
«Egemen Qazaqstan»
Qyzylorda oblysy
