Onyń aıtýynsha, tutynýshylar jylý úshin tóleıtin sońǵy tólem atalmysh energııany óndirý úshin paıdalanylatyn otyn túrine baılanysty.
«Soltústik óńirde negizinen kómirdi paıdalanady. Al, ońtústikte gazdy qoldanady. “Bogatyr”, “Qarajyra”, “Maıkóbe” kómirleri negizinen soltústik aımaqta óndiriletindikten, bul óńir úshin arzan shyǵady. Ári jylý elektr energııasynyń otyn kózi retinde óte yńǵaıly. Sondyqtan elektr jáne jylý boıynsha eń tómengi tarıfter elimizdiń soltústiginde», — dedi mınıstr.
Dál osy maqsatta ońtústikke gazdy elimizdiń batysynan alyp kelemiz. О́zderińiz biletindeı, gaz halyqaralyq saýda taýary bolǵandyqtan, anaǵurlym qymbatyraq turady. Sebebi onyń ózindik quny da, jetkizý quny da arzan emes. Demek, ol jylý energııasynyń qunyna áser etedi. Eger soltústikte kók otyn quny bir gıgakalorııa úshin 2300 teńge bolsa, ońtústik óńirlerde 5000 teńgeden asady.
«Buǵan qatysty jaǵdaıdy ózgertý óte qıyn, energııa únemdeýshi tehnologııalardy jyldamyraq engizý qajet. Energetıka mınıstrligimen ken ornynda satý baǵasynyń tómendeýi úshin jumystar jasap jatyrmyz. Buny oryndaı alsaq, onda bir aı ishinde túpkilikti tutynýshyǵa deıin osy tómendetilgen baǵalardy jetkize alamyz», — dedi ulttyq ekonomıka mınıstri.
