- Bizdiń Shyǵys Qazaqstan oblysynyń Semeı qalasyndaǵy memlekettik medısına ýnıversıtetinde eń úzdik dárigerler, mamandar daıarlanady dep aıta alamyn. Elimiz boıynsha Shyǵys óńirde ǵana búkil medısınany halyqaralyq standartqa saı jabdyqtap otyrmyz. Bul degenimiz adamdar úshin jasalǵan ómir súrý sapasyn jaqsartý bolyp tabylady. Turǵyndar jaǵdaılarynyń jaqsarǵandyǵyn árdaıym sezinetin bolady. Tipti osy Semeıdegi Jedel medısınalyq járdem aýrýhanasynda jańa jyldan bastap operasııa jasaıtyn gıbrıdti zal jumys isteıdi. Bundaı operasııa jasaıtyn zal TMD elderinde de, Reseıde de joq. Bizdiń adamdar operasııa jasaý úshin endi Reseıge aǵylmaıdy. Kerisinshe Novosıbırski qalasyndaǵylar bizge qaraı aǵylatyn bolady. Aıagóz qalasynda ınsýltty ortalyq ashyp, ol jaqta eń joǵary deńgeıli perzenthanany iske qostyq. Zyrıan qalasynda, qazirgi ataýy Altaı, ol jaqta da osylaı ekenin atap ótkim keledi. Al endi bilim salasyna kelsek, «Nur Otan» partııasynyń sezinde 2020 jylǵa deıin elimiz boıynsha 1000 IT synyptar ashylýy kerek degen tapsyrma berildi. Bizdiń oblysta ár mektep boıynsha tolyqtaı jabdyqtalǵan IT synyptar bar. Olardyń deńgeıi joǵary, biz robototehnıka synyptaryn baǵdarlaý synyptarymen biriktirdik. Eger túptep kelgende biz osy IT synyptardy jańdan ornatsaq, onda biz baǵdarlamasynyń franzıshasyna 2,7 mıllıard teńge tóleýimiz tıis edi. Biraq, bizdiń Semeıdegi elektrotehnıkalyq kolledj ujymy bul baǵdarlamany ózderi jasap shyǵardy. QR Bilim jáne ǵylym mınıstrligi bul bastamany bekitti. Sondyqtan biz qanshama qarajatty únemdep qaldyq. Sóıtip IT synyptar úshin qajetti baǵdarlamany 52 mıllıon teńgemen qamtydyq. Endi mine, keler jyly ShQO 655 mektebinde IT synyptar tolyq jumysqa kirisedi. Semeı qalasynyń ár turǵyny ekonomıka kóterilip kele jatqandyǵyn bilýi kerek. Qala boıynsha osyndaı aýlalarda 4 myń beınekamera qoıamyz. Tipti Eýropanyń kóptegen qalalarynda mundaı jańashyldyq joq. Qalany kóriktendirip, shet aýdandarynyń ınfraqurylymyn qalypqa keltiremiz, - dedi Danıal Kenjetaıuly.
Oblys ákiminiń aıtýynsha, Polkovnıchıı araly, endigi ataýy Beıbitshilik, ekologııalyq saıabaqqa aınalmaq.
- Aralǵa keler jyly kópirdiń irgetasy salynady. Mundaı dúnıe О́skemen qalasynda da qolǵa alynǵan. Olardyki mamyrdyń 1-ine deıin daıyn bolady. Al sizderdiki qyrkúıekke deıin jasalýy tıis. Osylaısha semeılikter úshin sportpen aınalysyp, demalatyn tamasha oryn paıda bolmaq. Men Semeıdegi jumys oryndaryn da qadaǵalaıtyn bolamyn. Semeı elimizdergi eń myqty qalaǵa aınalýy tıis,-dedi D.Kenjetaıuly.
Raýshan QABJANQYZY,
SEMEI
