Aıdyndaǵy alǵashqy kezdesýler

Jeksenbi kúni Almatyda dopty hokkeıden álem chempıonaty bastaldy

Jeksenbi kúni tús aýa koman­dalar óz toptaryndaǵy al­ǵash­qy oıyndaryn ótkizdi. «Medeý» muz aıdynynda ót­ken alǵash­qy matchta Qazaqstan qurama­sy Norvegııa qurama­sy­men kezdesip, 10:1 esebimen utty. Ulttyq quramanyń jigitteri Norvegııaǵa qarsy baryn salmasa da múmkin bolǵan jaǵdaıdyń bárin paıda­lanýǵa umtyldy. Komandanyń bas bapkeri Aleksandr Nıkıshov ta quramany jasaqtaǵanda Reseı klýb­ta­rynda oınaıtyn otan­das­­tary­myzdy beker aldyr­ma­ǵa­nyn kórsetti.

Jeksenbi kúni Almatyda dopty hokkeıden álem chempıonaty bastaldy

Jeksenbi kúni tús aýa koman­dalar óz toptaryndaǵy al­ǵash­qy oıyndaryn ótkizdi. «Medeý» muz aıdynynda ót­ken alǵash­qy matchta Qazaqstan qurama­sy Norvegııa qurama­sy­men kezdesip, 10:1 esebimen utty. Ulttyq quramanyń jigitteri Norvegııaǵa qarsy baryn salmasa da múmkin bolǵan jaǵdaıdyń bárin paıda­lanýǵa umtyldy. Komandanyń bas bapkeri Aleksandr Nıkıshov ta quramany jasaqtaǵanda Reseı klýb­ta­rynda oınaıtyn otan­das­­tary­myzdy beker aldyr­ma­ǵa­nyn kórsetti. Rasyn aıt­qan­da, qazir komandamyzǵa dem berip, onyń oıynyn urshyqsha úıi­rip júr­gen sol hokkeı­shi­ler­diń arqa­synda elimiz Reseı, Shvesııa, Fınlıandııa sııaq­ty azýly eldermen ıyq te­ńesti­rip, júldeli oryndarǵa tala­sý­ǵa múmkindik alyp otyr.

Sol hokkeıshilerdiń ishinde qa­zir bizdiń quramada myna oıynshylar óner kórsetip júr. Qaq­pashylar: Andreı Reın («Dınamo» Máskeý), Aleksandr Kosynchýk («Dınamo» Qazan). Qor­ǵaý­shylar: Mıhaıl Dobrynın («Volga» Ýlıanovsk), Denıs Maksımenko («Start» Tómengi Novgorod), Andreı Veselov ( «Baıkal-Energııa» Irkýtsk), Sergeı Gorchakov («SKA-Neftıanık» Habarovsk). Jartylaı qorǵaýshylar: Evgenıı Shadrın («Baıkal-Energııa» Irkýtsk), Leonıd Bedarev pen Rýslan Galıaýtdınov (ekeýi de «Start» Tómengi Novgorod), Andreı Morokov («Vetlanda» Shvesııa), Denıs Slaýtın («Dınamo» Qazan), Dmıtrıı Zavıdovskıı («Enıseı» Kras­­noıarsk), Vıacheslav Markın («SKA-Neftıanık» Habarovsk). Shabýylshylar: Raýan Esálıev («Start» Tómengi Novgorod), Aleksandr Nasonov («Baıkal-Energııa» Irkýtsk), Vıacheslav Bronnıkov («Rodına» Kırov), Sergeı Pochkýnov («SKA-Neftıa­nık» Habarovsk). Qosalqy oıynshylar: Eskendir Nuǵmanov pen Narıman Taqyrov (ekeýi de «Aqjaıyq» Oral).
Osy tizimde Eskendir Nuǵ­ma­nov pen Narıman Taqyrovtyń ǵa­na Oraldyń «Aqjaıyq» klýbynda oınaıtynyn kórýge bolady. Onyń ózinde olar ulttyq qura­manyń qosalqy quramyna tir­kel­gen. Basqalarynyń bári syrtta óner kórsetip júrgen otandastarymyz. Sonyń ishinde Raýan Es­álı­ev te bar. Bul jaǵdaıdyń sebebin aıtyp jatý artyq bolar. О́ıtkeni, bizdiń elde Oral qa­la­synan basqa dopty hokkeıdi damytyp jatqan óńirlerdiń joq ekenin moıyndaýymyz kerek. Osy­ǵan qarap endi bizdiń Qazaq­stan quramasynyń Reseıden al­dyrtqan hokkeıshilerdiń arqa­syn­­da bolsa da óz elimizde ótip jat­qan álem chempıonatynda júl­­­deli oryndarǵa talasatynyna sengi­miz keledi. Al bul júl­deli or­yndarǵa bizden basqa Reseı men Shvesııa quramalarynyń kúrese­tini sózsiz. Bul eki qurama álem chempıonatyndaǵy alǵashqy oıyndaryn da jeńispen bastady. Jeńispen bolǵanda iri eseppen je­ńiske jetti. Reseılikter AQSh komandasymen kezdesip, 19:3 ese­bi­men utsa, Shvesııa men Fınlıandııa arasyndaǵy oıyn 12:0 ese­bi­men bitti. Bul eki qura­manyń biz­ben birge bir topta oınaıtyny belgili.
Keshe keshkisin Qazaqstan qu­ramasy AQSh-pen kezdesti. Búgin Reseı komandasymen oınasa, 2 aqpan kúni Fınlıandııa hokkeı­shi­lerimen kúsh synasady. Sodan keıin komandalar 4 aqpan kúni jartylaı fınalda jolyǵady.
Jalpy, álem chempıonatynda elimiz qurama komandasy eki ret júldeli orynǵa ıe bolǵan. Osy­ǵan deıin ulttyq quramamyz 2003 jáne 2005 jyldary qola medaldi ıelengen. Al bizden basqa elder ishinen 1957 jyldan beri ótkizilip kele jatqan álem chempıonatynda KSRO/Reseı 20 ret, Shvesııa 10 jáne Fınlıandııa bir ret chempıon atanǵan. Budan basqa KSRO/Reseı 9 kúmis, 2 qola, Shvesııa 14 kúmis, 7 qola júldeni ıelense, Fınlıandııa 1 kúmis, 19 qola medalǵa qol jetkizgen. Al Norvegııa bolsa 1 kúmis, 1 qola júldeni jeńip alǵan.
Dastan KENJALIN.