Ektovtar áýleti jazǵy Olımpıadaǵa kemi eki joldama utyp alýǵa nyq bel baılap otyr

Dúbir

Olımpıadaǵa 155 kún qaldy

Londonda ótetin HHH Olımpıada joldamasynan qyzyljarlyq sportshylardyń enshisine naqty buıyrǵany ázirge bireý ǵana. Ony uzyndyqqa úsh márte sekirýden halyqaralyq dárejedegi sport sheberi Irına Ektova byltyr Almatyda ótken jeńil­atletshilerdiń úshinshi jazǵy spartakıadasynda jeńip aldy (Ol bertinge deıin Lıtvınenko degen qyz kezindegi tegimen tanymal bolyp kelgen – О́.E.). Bir qyzyǵy, osy aıtýly jarysta Evgenıı Ektov altyn me­daldi qanjyǵaǵa óńgergenine qaramastan, joldamadan tys qaldy. Onyń sebebin ha­lyq­aralyq dárejedegi sport sheberi, uzyn­dyqqa úsh márte sekirýden Sıdneı, Pekın olımpıadalaryna qatysýshy Elena Parfenova túsindirip berdi.

Dúbir

Olımpıadaǵa 155 kún qaldy

Londonda ótetin HHH Olımpıada joldamasynan qyzyljarlyq sportshylardyń enshisine naqty buıyrǵany ázirge bireý ǵana. Ony uzyndyqqa úsh márte sekirýden halyqaralyq dárejedegi sport sheberi Irına Ektova byltyr Almatyda ótken jeńil­atletshilerdiń úshinshi jazǵy spartakıadasynda jeńip aldy (Ol bertinge deıin Lıtvınenko degen qyz kezindegi tegimen tanymal bolyp kelgen – О́.E.). Bir qyzyǵy, osy aıtýly jarysta Evgenıı Ektov altyn me­daldi qanjyǵaǵa óńgergenine qaramastan, joldamadan tys qaldy. Onyń sebebin ha­lyq­aralyq dárejedegi sport sheberi, uzyn­dyqqa úsh márte sekirýden Sıdneı, Pekın olımpıadalaryna qatysýshy Elena Parfenova túsindirip berdi.

– Olımpıada joldamasyn sarapqa salatyn jeńil atletshilerden belgili halyq­ara­lyq normatıvterdi oryndaý talap etiledi. Atap aıtsaq, «A» lısenzııasyn utý úshin qyz­dar kemi 14 metr 30 santımetrdi, «V» lısenzııasyn ıelený úshin 14 metrdi ba­ǵyn­dyrý kerek. Jigitter úshin 17 metr 10 santımetr jáne 16 metr 90 santımetr bolyp belgilen­gen. Alataý baýraıynda Irına 2-shi oryn alsa da 14 metr 48 santımetrge qar­ǵyp, «A» lısenzııasyn qorjynǵa saldy. Evgenıı 16 metr 88 santımetrge ǵana sekirdi. Al kúzde Kúnshyǵys elinde uıymdas­ty­ryl­ǵan Azııa birinshiliginde 16 metr 91 santı­metrdi kórse­tip, «B» lısenzııasyn enshiledi, – dedi ol.

Sóz arasynda Evgenııden basqa jerles­te­rimiz Margarıta Masko /800 metr/ men Vladıslav Polıakov /júzý/ «V» lısenzııasyn ıelengenin aıta ketken jón. Alda áli Olımpıada joldamasy talasqa túsetin nebir baı­raqty básekeler turǵanyn eskersek, lısenzııalar sanynyń óse túserine kúmánimiz joq. Ol úshin aıanbaı ter tógýlerine týra keleri anyq. Bul sanatqa boksshymyz Darıǵa Shákimova men balýanymyz Roman Meleshındi de qosýǵa bolady.

Erli-zaıypty Aleksandr Nıkolaevıch pen Nına Vıktorovna Ektovtardyń esimderi Qyzyljar jurtshylyǵyna jaqsy tanys. Kásipqoı sportshylar kóp jyl boıy sport­tyń qysqa qashyqtyqqa júgirý túrimen aınalysyp, birneshe márte oblystyń, elimiz­diń jeńimpazy atanǵan. Endi, mine, shırek ǵasyrǵa jýyq «sport padıshasy» sanalatyn jeńil atletıkanyń jas tolqynyn tár­bıe­leýmen aınalysyp keledi. Tájirıbeli bapkerler ózderiniń tól mektebin qalyptas­ty­ryp, qanat qaqqan shákirtteri dodaly báse­kelerde olja salyp júr.

Solardyń biri – balasy Evgenıı men ke­lini Irına. Mektepte oqyp júrgen qarsha­daı qyzdyń sportqa beıimin alǵash baıqap, qam­qorlyǵyna alǵan A.Ektovtyń ózi bolatyn. Jeke jattyqtyrýshysy retinde uzyn­dyqqa úsh márte sekirýdiń qyr-syryna talmaı úı­retti. Irına sportqa keshteý kelse de, tynbaı eńbektenýdiń arqasynda qysqa mer­zimde talaı belesterdi baǵyndyrdy. 2007 jyly Makaoda ótken Azııa oıyndarynda jeńistiń eń bıik tuǵy­ry­na kó­te­rildi. 2008 jyly Pe­kın­degi Jaz­ǵy olımpııa oıyndaryna qatysý baqytyna ıe boldy. Tájirıbeniń azdyǵynan jeńilis tapsa da, kóp nárse úırenip qaıtty.

Osydan eki jyl buryn Evgenıı men Irınanyń kóńilderi jara­syp, shańyraq qurdy. Dú­nıe­ge Iаna esimdi qyzdary kelip, Irına sport­­­tan qol úzińkirep qaldy. Alaıda, bala kútý demalysynan keıin úl­­­­­ken arenaǵa qaıta oraldy. Úzbeı jattyǵyp, ábden baby ke­lisken soń, baı­raq­ty báseke­ler­de qaıta­dan jar­qy­rap kórine bastady. Lon­­­­donda baǵy janyp, eli­­miz­diń ánu­ra­ny shyrqalyp jat­sa, tań­d­aný­dyń esh reti joq. Namysty qyz tu­mandy Albıon eline qa­tysýshy emes, júlde oljalaıtyn báseke­les retinde barǵysy keletinin esh jasyrmaıdy.

«V» lısenzııasyna Evgenııdiń kóńili kón­shir emes. Joldamaǵa jol ashatyn Gran Prı /Bankgok/, Ǵ.Qosanov /Almaty/, Tatıana Kolpakova atyndaǵy /Bishkek/, Qazaqstan chempıonaty sekildi lısenzııaly jarystarda top jarýdy basty maqsat etken syńaıly. Búginde olar oqý-jattyǵý daıyndyqtaryn Taı­landta qyzý bastap ketken. Jeke bap­ker­le­ri – jeńil atletıkadan oblystyń aǵa jat­tyq­tyrýshy qyzmetin atqaratyn A.Ektov.

Nına Vıktorovnanyń kóńili alań. Ne­me­resi Iаnany ájelik meıirimmen aıalap-tol­ǵa­nyp, Ektovtar áýletiniń tileýshisi bolyp otyr. Ol da jattyqtyrýshylyqpen shuǵyl­da­nady. Oblystyq joǵary sporttyq sheber­likti jetildirý mektebiniń tájirıbeli bap­ke­ri re­tin­de bolashaq olımpıada izbasarlaryn tár­bıe­lep keledi. Onyń Evgenıı Klıýev, Alekseı Mashensev, Svetlana Zagorodneva sekildi balǵyn shákirtteri shet elderde olja sala bastady. Qyzy Ekaterına ápkesiniń jolyn qý­ǵan. Uzyndyqqa úsh márte seki­rý­den elimizdiń birneshe dúrkin jeńimpazy atanyp, Kanada men Italııada ótken álem chempıonattaryna qatysyp qaıtty.

Qyzyljar óńirinde jeńil atletıkanyń damýyna osylaısha zor úles qosyp kele jatqan Ektovtardyń qos shákirtiniń baby men baǵy kelisip, elimizdiń abyroıyn asqaq­tat­sa, shirkin, degen armanymyzdyń aqıqat­qa aınalýyn tileıik.

О́mir ESQALI,

Soltústik Qazaqstan oblysy.