«Rysqulov aýdany krımınaldyq polısııa bóliminiń jedel ýákilderi jedel-izdestirý is-sharalaryn júrgizý kezinde Batys Eýropa - Batys Qytaı tasjolynda on jylqy tıegen kólikti toqtatqan. Tekserý kezinde jylqylardyń qujattary bolmaı shyqty. Rysqulv aýdanynyń úsh turǵyny mal urlady degen kúdikke ilindi. Jylqylardy Rysqulov aýdany Jańaturmys aýyldyq okrýgi Jynyraý jaıylymynan urlaǵan. Qazirgi naryqtaǵy baǵaǵa sáıkes, urlanǵan maldardyń jalpy quny 2 960 000 teńgeni quraıdy», - dep túsindirdi quqyq qorǵaý vedomstvosynyń baspasóz qyzmeti.
Osy fakti boıynsha QR QK 188-baby 3-bóligimen (iri kólemde urlyq jasaý) sotqa deıingi tergeý jumystary bastaldy. Tárkilengen jylqylar zattaı derek retinde tanylyp, ıesine qaıtaryldy. Sotqa deıingi tergeý jumystary bastaldy.
Jambyl oblystyq polısııa departamentiniń baspasóz qyzmeti atap ótkendeı, bıyl 17 qarashada Sarysý AIIB-ge er adam 37 jylqysyn urlap ketkenin aıtyp, shaǵym túsirgen. Ol joǵalǵan malynyń jalpy quny 9,75 mln teńge dep baǵalaǵan.
Urlyq jasaý isi osy aýdannyń «Qaıraqbaı» jaıylymynda Úıim aýylyna jaqyn jerde bolǵan. Sarysý aýdandyq polısııa bólimi tórt tergeý-jedel tobyn qurǵan. Izdeý jumystary barysynda barlyq 37 jylqy jaıylymnan 20-25 shaqyrym qashyqtyqtan tabyldy.
