Otyrysty ashqan G.Ábdiqalyqova Memleket basshysy Nursultan Nazarbaevtyń «Uly dalanyń jeti qyry» atty baǵdarlamalyq maqalasyndaǵy «О́tkenin maqtan tutyp, búginin naqty baǵalaı bilý jáne bolashaqqa oń kózqaras tanytý – elimizdiń tabysty bolýynyń kepili degenimiz osy» degen sózine toqtaldy.
– Bul basymdyqtar 2019 jyly Jastar jylyn ótkizýdiń negizine aınalýǵa tıis, – dedi Memlekettik hatshy.
Jıynda Qoǵamdyq damý mınıstrliginiń «Qazaqstan 2020: bolashaqqa jol» Qazaqstan Respýblıkasynyń memlekettik jastar saıasatynyń 2020 jylǵa deıingi tujyrymdamasynyń júzege asyrylý barysy jónindegi málimeti tyńdaldy. 2018 jylǵy qyrkúıekte 18-29 jas aralyǵyndaǵy NEET jastaryn, sonyń ishinde 2018 jylǵy túlekterdi jumyspen qamtý jáne áleýmettendirý jónindegi jol kartasy bekitildi. Qazaqstanda 2018 jylǵy ekinshi toqsanda NEET sanatyndaǵy jastar 7,7 paıyz (byltyrǵy sáıkes kezeńde 8,5 paıyz) bolǵan. «Barshaǵa tegin kásiptik-tehnıkalyq bilim berý» jobasy aıasynda 312 kolledjde 381 mamandyq boıynsha 21 myń adam bilim alýda.
Sonymen qatar, Ishki ister jáne Densaýlyq saqtaý mınıstrlikteriniń jastar arasyndaǵy quqyq buzýshylyq pen sýısıdtiń aldyn alý jónindegi málimeti tyńdaldy. Sońǵy 5 jyl ishinde jastar arasyndaǵy qylmys sany (14-29 jas aralyǵy) 5 paıyzǵa azaıǵan. Elimizdiń joǵary oqý oryndaryndaǵy jáne stýdentter jataqhanasyndaǵy tártipti qamtamasyz etý barysynda polısııaǵa járdemdesetin 196 stýdenttik jasaq qyzmet atqarady. Olar bıyl 180 qylmysty áshkerelep, 5,4 myńnan astam ákimshilik quqyq buzý jaıttaryn anyqtady. 2017 jyly 15-17 jas mólsherindegi jastardyń sýısıd kórsetkishi 36,6 paıyzǵa, óz-ózine qol salý áreketi 43,4 paıyzǵa azaıǵany baıqalǵan.
Keńes otyrysynda 2019 jylǵa arnalǵan jumys jospary qaraldy.
Sońynda Qazaqstan Respýblıkasynyń Memlekettik hatshysy Gúlshara Ábdiqalyqova memlekettik organdarǵa birqatar naqty tapsyrma berdi.
