Halqymyzda «О́tkensiz el bolmaıdy, tarıhsyz jer bolmaıdy»,-degen qanatty sóz bar.
Dál osy sózde aıtylǵandaı, Memleket Basshysy ult tarıhyndaǵy keńistik pen ýaqytty sarapqa sala otyryp, tek qazaqtyń ǵana emes, túbi bir túrki eliniń tarıhyn túgendep, oǵan qazirgi ǵylymnyń bıiginen qaraýdy jáne naqty ǵylymı derekterge súıene otyryp, jahandyq tarıhtaǵy óz rólimizdi paıymdaýdy usyndy.
Osy jolda Elbasy babalarymyzdan kele jatqan ulttyq qundylyqtarymyz – Atqa miný mádenıeti, Uly daladaǵy ejelgi metallýrgııa, Ań stıli, Altyn adam, Túrki áleminiń besigi, Uly Jibek joly, Qazaqstan alma men qyzǵaldaqtyń otany syndy tamyry tereń taqyryptar arqyly naqty dálelder kórsetti.
Ejelgi dáýirden qazirgi zamanǵa deıingi kezeńdi qamtıtyn ótkenimizdi qaıta jańǵyrtý úshin «Arhıv 2025» jeti jyldyq baǵdarlamasyn jasaýdy tapsyrdy.
Sonymen birge «Uly dalanyń uly esimderi», «túrki áleminiń genezısi», «Uly dalanyń ejelgi óner jáne tehnologııalar mýzeıi», «Dala folklory men mýzykasynyń myń jyly», «Tarıhtyń kıno óneri men televızııadaǵy kórinisi» syndy tyń tásildermen keńinen taldaý jasaý qajettigin aıtty.
Halqymyzdyń, ultymyzdyń ulylyǵyna arnalǵan bul qadam – taǵy da Elbasynyń shyn máninde, týǵan halqymen bite qaınasqan, ǵalamdyq deńgeıdegi úlken oıshyl, alysty kózdeıtin iri strateg ekenin kórsetti.
Sondyqtan Prezıdentimizdiń «Rýhanı jańǵyrý» jolyndaǵy batyl bastamalarynyń jalǵasy sanalatyn «Uly dalanyń jeti qyry» tek otandyq ǵana emes, búkil Túrki áleminiń ǵylym men rýhanııatyna jańa serpin, jańa jiger beretin jáne urpaqtan – urpaqqa jalǵasatyn tarıhı qujat bolyp qalatyny sózsiz.
Nurlan Nyǵmatýlın,
QR Parlamenti Májilisiniń Tóraǵasy
