Jas fýtbolshylar Brazılııaǵa oqýǵa attandy
Brazılııanyń «Ole Brazıl» akademııasyna órimdeı jastar oqýǵa attandy. Jas fýtbolshylardy oblys ákiminiń orynbasary Mahabbat Bıgeldıev qabyldap, olarǵa syı-sııapat kórsetildi.
– Osydan úsh jyl buryn elimizdiń úzdik degen jasóspirim sportshylary Brazılııadaǵy San-Paolo shtaty, Rıberan Preto qalasynyń «Ole Brazıl» akademııasyna oqýǵa jiberilgen edi. Olardyń tórteýi Almaty oblysynyń sportshylary bolatyn. Fýtbol akademııasynda bilimderi men tájirıbelerin shyńdaǵan sportshylarymyz ótken jyly elge oralyp, fýtbol ujymdarynyń qataryna qosyldy. Máselen, Aslan Rafhat pen Berik Shaıyhov «Astana 64», Murat Qalambekov «Jetisý» fýtbol klýbynda alǵan bilimderi men tájirıbelerin tanytyp, jaqsy oıyn órnegin kórsetip júr.
Brazılııanyń «Ole Brazıl» akademııasyna órimdeı jastar oqýǵa attandy. Jas fýtbolshylardy oblys ákiminiń orynbasary Mahabbat Bıgeldıev qabyldap, olarǵa syı-sııapat kórsetildi.
– Osydan úsh jyl buryn elimizdiń úzdik degen jasóspirim sportshylary Brazılııadaǵy San-Paolo shtaty, Rıberan Preto qalasynyń «Ole Brazıl» akademııasyna oqýǵa jiberilgen edi. Olardyń tórteýi Almaty oblysynyń sportshylary bolatyn. Fýtbol akademııasynda bilimderi men tájirıbelerin shyńdaǵan sportshylarymyz ótken jyly elge oralyp, fýtbol ujymdarynyń qataryna qosyldy. Máselen, Aslan Rafhat pen Berik Shaıyhov «Astana 64», Murat Qalambekov «Jetisý» fýtbol klýbynda alǵan bilimderi men tájirıbelerin tanytyp, jaqsy oıyn órnegin kórsetip júr.
Al Raýan Sarıev sheberliginiń arqasynda Brazılııanyń «Atletıko Mıneıro» klýbymen kelisim-shartqa otyryp, táýelsiz eldiń abyroıyn asqaqtatyp júr. «Sportshylardyń izin jalǵastyryp, tájirıbeden ótý úshin Brazılııaǵa jol júrip barasyzdar. Saparlaryńa sáttilik tileımiz. Brazılııadaǵy oqý-daıyndyqtan keıin «Jetisý» fýtbol komandasynyń sapynda ǵana emes, Qazaqstan qurama komandasynyń qatarynda el namysyn qorǵaıdy degen senimdemiz», dedi Mahabbat Sádýaqasuly.
Jas fýtbolshylar da árdaıym el senimin aqtaıtyndyqtaryn ortaǵa saldy. Qushaqtary gúlge tolyp, jerlesteriniń ystyq iltıpatymen olar jolǵa shyqty.
Kúmisjan BAIJAN,
Almaty oblysy.
Sýrette: jas fýtbolshylardy shyǵaryp salý sátinen.
