Almatyda eki sport mektebi ashyldy
Almatyda eki birdeı mamandandyrylǵan sport mektebi esigin ashty. Ońtústik astana osy ýaqytqa deıin elimizdiń ózge óńirlerine qaraǵanda sportqa baýlıtyn oryndarǵa kende emes sııaqty kórinetin. Alaıda, bul kúnde Almatynyń aýmaǵy da, adamy da ósip keledi. Qalanyń keıingi jyldary boı kótergen shaǵyn aýdandarynda osy joqtyń orny kórinip turatyn.
Almaty ákimi Ahmetjan Esimov jańadan salynyp bitken sport nysandarynda boldy. Ashylyp otyrǵan sport mekemeleri – №9 balalar men jasóspirimderdiń jáne Áýezov aýdanyndaǵy joǵary sporttyq sheberliktiń mamandandyrylǵan olımpıadalyq rezerv mektepteri.
Almatyda eki birdeı mamandandyrylǵan sport mektebi esigin ashty. Ońtústik astana osy ýaqytqa deıin elimizdiń ózge óńirlerine qaraǵanda sportqa baýlıtyn oryndarǵa kende emes sııaqty kórinetin. Alaıda, bul kúnde Almatynyń aýmaǵy da, adamy da ósip keledi. Qalanyń keıingi jyldary boı kótergen shaǵyn aýdandarynda osy joqtyń orny kórinip turatyn.
Almaty ákimi Ahmetjan Esimov jańadan salynyp bitken sport nysandarynda boldy. Ashylyp otyrǵan sport mekemeleri – №9 balalar men jasóspirimderdiń jáne Áýezov aýdanyndaǵy joǵary sporttyq sheberliktiń mamandandyrylǵan olımpıadalyq rezerv mektepteri.
Respýblıkadaǵy №9 balalar men jasóspirimderdiń jalǵyz olımpıadalyq rezerv mektebi osydan 40 jyl buryn salynǵan eken. Mektepte 900 jas sportshy-gımnasshylar bilim alýda. 2011 jyly jańa sport zalyn, jataqhanasy bar mekteptiń ákimshilik qyzmet ornyn qaıta salý úshin qala bıýdjetinen 500 mıllıon teńge bólingen bolatyn.
Búgingi tańda bul nysannyń jalpy aýmaǵy – 4 156 sharshy metr. Mektep birden 1500 oqýshyny qabyldaı alady. Ol dál osy kúnderi Bangkokte ótetin Azııa chempıonatyna respýblıkamyzdyń ár túkpirinen kelgen jas sportshylardy tárbıeleý ústinde. Aıtqandaı, osy №9 arnaıy sport mektebiniń oqýshysy Stepan Gorbachev 2012 jyly Londonda ótetin Olımpıada oıyndarynyń lısenzııasyn jeńip alǵan.
Atalǵan mamandandyrylǵan mektep Qazaqstannyń ulttyq quramasyna kadrlar daıyndaıdy. Munda sportshylar qysqy sporttyń 4 túrinen (shańǵymen tuǵyrdan sekirý, shańǵy qossaıysy, mánerlep syrǵanaý, konkımen júgirý) jáne jeke saıystyń 13 túrinen (qylyshtasý, aýyr atletıka, jeńil atletıka, dzıýdo, boks, t.b.) dáris alady. Mekteptiń sportshylar rezervin daıyndaıtyn oqý-jattyǵý bazasy da talapqa saı jabdyqtalǵan.
Qazirgi kezde mektep aktıvinde 2012 jylǵy Olımpııa oıyndaryna qatysý úshin 7 lısenzııa bar, olar aýyr atletıka, jeńil atletıka, qyzdar arasyndaǵy erkin kúres, dzıýdo.
Sonymen, ilgeride irgetasy kóterilip, zamana suranysymen sport mektepterine aınalǵan mekemelerge qala ákimi arnaıy kelip, jetkinshekterdiń jarystarǵa daıyndyǵyn kórdi. Balalarmen dıdarlasty.
– Munda bolashaq chempıondar, Olımpııa oıyndarynyń chempıondary daıarlanýda, biz elimizdiń ár túkpirinen kelgen daryndy balalardyń kásibı sportpen aınalysyp, oıdaǵydaı daıyndyqtardan ótýi úshin qoldan kelgenniń bárin jasaýdamyz. Budan bylaı sender bizdi sporttaǵy eń joǵary kórsetkishtermen, bıik sporttyq jetistiktermen qýantyńdar! – dedi Ahmetjan Esimov jas sportshylarǵa arnaǵan sózinde.
Aınash ESALI.
Almaty.
