Astanalyqtar alǵa shyqty
Osy kúnderi Qurlyqtyq hokkeı lıgasyndaǵy pleı-off básekeleriniń qarymta kezdesýleri ótýde. Alǵashqy eki oıyndy óz alańynda ótkizgen komandalar endi qarsylastarymen syrt alańda kúsh synasýda.
Buǵan deıin Magnıtogorda ótken eki kezdesýde «Barys» bir ret jeńilip, ekinshisinde jeńgen bolatyn. Astananyń «Barysy» óz alańyndaǵy alǵashqy matchyn 4 naýryz kúni óziniń pleı-offtaǵa qarsylasy Magnıtogordyń «Metallýrgimen» ótkizdi. Osy kezdesýde alań ıeleri magnıtogorskilik komandany 3:2 esebimen utty.
Osy kúnderi Qurlyqtyq hokkeı lıgasyndaǵy pleı-off básekeleriniń qarymta kezdesýleri ótýde. Alǵashqy eki oıyndy óz alańynda ótkizgen komandalar endi qarsylastarymen syrt alańda kúsh synasýda.
Buǵan deıin Magnıtogorda ótken eki kezdesýde «Barys» bir ret jeńilip, ekinshisinde jeńgen bolatyn. Astananyń «Barysy» óz alańyndaǵy alǵashqy matchyn 4 naýryz kúni óziniń pleı-offtaǵa qarsylasy Magnıtogordyń «Metallýrgimen» ótkizdi. Osy kezdesýde alań ıeleri magnıtogorskilik komandany 3:2 esebimen utty.
Astanadaǵy alǵashqy matchty, ıaǵnı qos komandanyń arasyndaǵy úshinshi kezdesýdi Qazaqstan Respýblıkasynyń Prezıdenti – Ult kóshbasshysy Nursultan Nazarbaev, Parlament Májilisiniń Tóraǵasy, «Nur Otan» HDP Tóraǵasynyń birinshi orynbasary Nurlan Nyǵmatýlın, Qazaqstan Respýblıkasy Shaıbaly hokkeı federasııasynyń prezıdenti Asqar Mamın jáne taǵy da basqa resmı adamdar kelip, tamashalady.
Sóıtip, astanalyqtar jalpy esepte 2:1 esebimen alǵa shyqty. Osylaısha, pleı-off básekesinde buǵan deıingi úsh jyl boıy birde-bir jeńiske jetip kórmegen «Barys» alǵash ret alǵa shyǵyp otyr.
Bul matchta «Barys» Magnıtogorskide ótken ekinshi kezdesýdegi sııaqty jeńiske jetý úshin qoldan kelgenniń bárin jasady. Kezdesýde alǵashqy bolyp esepti qonaqtar ashty. Birinshi shaıbany 6-shy mınótte Vıtalıı Eremeev qaqpasyna «Metallýrgtiń» fın legıoneri Iýhamattı Aaltonen toǵytsa, arada az ýaqyt ótken soń, bizdiń legıoner Naıdjel Doýs esepti teńestirdi. Odan keıin 34-shi mınótte Andreı Gavrılın esepti 2:1-ge jetkizse, 50-shi mınótte Endrıý Hatchınson magnıtkalyq komandanyń qaqpasyna úshinshi shaıbany soqty. Al oıynnyń sońǵy núktesin «Metallýrg» oıynshylary qoıdy. Matchtyń 57-shi mınótinde Sergeı Mozıakın esepti qysqartty.
Keshe keshkisin qos komandanyń arasyndaǵy tórtinshi match ótti. Bul joly qaı komandanyń baǵy janatyny belgisiz. Sońǵy tórt maýsymda da pleı-offqa shyqqanymen, 11 ret jeńilistiń ashy dámin tatqan «Barys» bıylǵy maýsymda namysqa tyrysyp, jankúıerlerin jerge qaratpaýǵa kúsh salýda. Onyń eki ret jeńiske jetkeni sonyń bir dáleli.
Endi «Barys» osy jeńisti jolyn jalǵastyryp, aldyna pleı-offtyń kelesi aınalymyna shyqsaq dep maqsat qoıyp otyr. Al «Barystyń» bıylǵy pleı-off básekesindegi eń tamasha oıyny kúni keshe Magnıtogorskide ótken ekinshi kezdesýde alań ıelerin 4:1 esebimen jeńgeni boldy. Bul matchta kópten beri shaıba soǵa almaı júrgen Talǵat Jaılaýov ta kózge tústi. Ol aıdyn ortasynda shaıbadan aıyrylyp qalǵan «Metallýrg» oıynshylarynyń qateligin utymdy paıdalana bilgen edi.
Dastan KENJALIN.
