«Reseılik ǵalym Malýs sıeversı tuqymyn zamanaýı alma túrleriniń arǵy atasy ekenin anyqtaǵanda, Qazaqstan ormandary máýeli jemiske toly bolatyn. Qazir jabaıy almanyń keleshegine qaýip tónip tur», deıdi maqala avtory Mersedes Hatton.
Jýrnalıst oqıǵanyń mán-jaıyna qanyǵyp, tolyqqandy málimet berý úshin Túrgen shatqalyna barǵan eken. M.Hatton qasyndaǵy gıdpen suhbat qura otyryp, máseleniń ózektiligine toqtalady.
«Sýyq», dedi «Qazaqstan trekkıng klab» gıdi Alekseı Raspopov kóterilip bara jatqanda kóliktiń termometrin kórsetip. Qazaqstannyń ekinshi qalasy Almaty tómende, qalyń tútinniń arasyna jasyryndy.
Eki saǵat boıy jol júrip, Túrgen shatqalyna jetkende biz kólikten shyǵyp, saparymyzdy jaıaý jalǵastyrdyq. Joǵary shyǵý qıyn bolǵan joq, biraq ótkir jel saýsaqtarymdy jansyzdandyryp, ernimdi kebersitip jiberdi. Otyz jyl boıy óńirdi aralaýmen aınalysatyn Raspopovtan aımaqtyń tarıhy týraly suradym.
«Kóp ózgerdi», deıdi ol. Pikirin naqtylaý úshin Keńes odaǵynyń qulaǵanyn, lastanýdyń artqanyn jáne muzdyqtardyń kólemi azaıǵanyn mysalǵa keltirdi. Alaıda negizgi dálel bul emes edi. Tıan-Shan taýynyń Ile Alataý tarmaǵynyń eteginde ormandaı uıysqan Malýs sıeversıdiń, ıaǵnı jabaı almanyń joǵalý qaýpi týyndaýy ýaqyttyń ózgergenine dálel bolýǵa jetkilikti», delingen BBC-degi saraptamada.
Sonymen qatar, maqala avtory Almatydaǵy ortalyq bazarǵa baryp, ondaǵy jaǵdaıdan da biraz málimet taratady. Sońynda M.Hatton jabaıy almanyń joıylmaıtynyna senim bildiredi.
Maqalanyń tolyq nusqasyn aldaǵy ýaqytta «Egemen Qazaqstan» gazetinen oqı alasyzdar.
