Bir altyn, bir kúmis, eki qola

Jaqynda Germanııanyń Galle qalasynda «Chemistry Cup 2012» halyqaralyq týrnıri aıaqtaldy. Osy týrnırde Myrzaǵalı Aıtjanov jattyqtyratyn elimizdiń bas komandasy bir altyn, bir kúmis jáne eki qola medalǵa ıe boldy.

Bul týrnırde elimizge jalqy júldeni Serik Sápıev (69 kg.) syılasa, 60 kılo salmaqta kúsh synasqan Ǵanı Jaılaýov kúmis júldeni ıelendi. Al 81 kılodaǵy Ádilbek Nııazymbetov pen 75 kılodaǵy Danabek Sýjanov qola júldeni qanaǵat tutty. Osy jarys­ta Sápıevtiń jeńiske jete­tinine eshkim kúmán keltirmedi.

Jaqynda Germanııanyń Galle qalasynda «Chemistry Cup 2012» halyqaralyq týrnıri aıaqtaldy. Osy týrnırde Myrzaǵalı Aıtjanov jattyqtyratyn elimizdiń bas komandasy bir altyn, bir kúmis jáne eki qola medalǵa ıe boldy.

Bul týrnırde elimizge jalqy júldeni Serik Sápıev (69 kg.) syılasa, 60 kılo salmaqta kúsh synasqan Ǵanı Jaılaýov kúmis júldeni ıelendi. Al 81 kılodaǵy Ádilbek Nııazymbetov pen 75 kılodaǵy Danabek Sýjanov qola júldeni qanaǵat tutty. Osy jarys­ta Sápıevtiń jeńiske jete­tinine eshkim kúmán keltirmedi. О́ıtkeni, álem chempıonatynan keıin dál qazirgi kezde óz sal­maǵyndaǵy nómiri birinshi boksshy ataǵyn qaıtarýǵa talpynyp júrgen Sápıev qarsylastarynyń bárin shydatar emes. Ol áýeli germanııalyq Patrık Vodjın­skıdi sabap, shırek fınalda lıtvalyq Egıdejýs Kavalıaýskasty, jartylaı fınalda ırlan­dııalyq Adam Nolandy jeńse, fınalda jańaǵy Vodjınskıdiń ornyna qyzyǵyp, Germanııanyń nómiri birinshi boks­shysy atanýǵa áreket etip júrgen Araık Marýtıandy ornyna qoıdy. Al Jaılaýov bolsa, sheshýshi sátte brazılııalyq Robson Maıkl Konseısaodan ese jiberýge májbúr boldy. Bul boksshyny osal dep aıtýǵa bolmaıdy. Ol Bakýde ótken álem chempıonatynda Ýkraın Vasıl Lomachenkonyń zyǵyr­danyn shyǵaryp edi. Sol kezdegi básekede ol ýkraındy úsh raýndta tóreshilerdiń sheshimimen ut­qany­men, keıin joǵary jaq­taǵy aq jaǵalylardyń aralasýymen jeńis Lomachenkoǵa berilgen bolatyn. Sodan beri brazılııalyq kirer jerge oryn tappaı jolynda turǵandardyń bárin jeńip ke­ledi. Basqa kezdesýlerde germa­nııalyq Hamza Toýba (49 kg.) reseılik Belık Galanovty jeń­se, 52 kıloda ózbek Jasýrbek Latıpov mońǵol Serdamba Pýsevdorjdy, 56 kıloda Denıs Makarov (GFR) ózbek Orzýbek Shaımovty utty. Sondaı-aq, reseılik Artem Zaısev (64 kg.) Everton Lopesti (Brazılııa), Stefan Hartel (GFR, 75 kg.) taǵy bir brazılııalyq Eskýnva Florentıno Falkaony, ırlandııalyq Djozef Ýord (81 kg.) reseılik Egor Mehonsevten aılasyn asyrdy. Odan keıin 91 kıloda Artýr Beterbıev (Reseı) qytaı Hýanhýan Vangty úshinshi raýndta nokaýtqa ji­berse, Sergeı Kýz­mın asa aýyr salmaqtaǵy Jank Jıleıdi tize búktirdi. Jalpy aıt­qanda, osy týrnırde Reseı 4 altyn, 1 kúmis, 2 qola júlde alsa, Germanııa 2 altyn, 2 kúmis jáne 4 medaldy jeńip aldy. Brazılııa 1 altyn, 2 kúmis júldeni qaltasyna basty. Al Qazaqstan quramasy 1 altyn, 1 kúmis jáne 2 qola júldemen 4-shi orynǵa taban tiredi.

Bul týrnırde jartylaı fınalda Ádilbek Nııazymbetovti jeń­gen reseılik Egor Mehonsev ırlandııalyq Djozef Ýorden uty­lyp qaldy. Osy Ýord týr­nırdiń eń sheber boksshysy atansa, eń jigerli boksshy ataǵy germanııalyq Stefan Harkelge berildi. Osyǵan qarap Nııazymbetovke London Olımpıadasynda Ýordtyń da laıyqty qar­sylas bolatynyn aıtýǵa bolady.

Dastan KENJALIN.