Qazir IýNESKO mamandary qajetti arheologııalyq jáne tabıǵı aqparattardyń saraptamasyn jasap jatyr. Aýqymdy joba Mańǵystaýdyń keremetterin búkil álemge tanytyp, elimizge keletin saıahattaýshylardyń sanyn arttyrýǵa múmkindik bermek.
- Qaıtalanbas tabıǵat pen tarıhı eskertkishteri bar geobaq Túpqaraǵan jáne Mańǵystaý aýdandarynyń aýmaǵyn qamtıdy. Sebebi osy aýmaqta tabıǵı jáne mádenı kórikti jerler kóp jáne avtomobıl joldarynyń jelisi damyǵan», dedi basqarma basshysy.
Basqarma basshysynyń aıtýynsha, «Mańǵystaý geoparki» nomınasııasyn alý úshin IýNESKO-nyń shtab-páterine ótinim joldanǵan. Jyl boıy IýNESKO-nyń sarapshylary men ınspektorlary osy aýmaqty zerttep, onyń áleýmetine joǵary baǵa berdi. Qazirgi ýaqytta IýNESKO-nyń mamandary basshylyqqa usynystar daıyndaýda. Ol usynystardy oryndaǵan jaǵdaıda, jahandyq geopark mártebesin alýǵa múmkindik bolmaq.
Jeti jurt kelip, jeti jurt ketken Mańǵystaý mekeni – ashyq aspan astynda jatqan murajaı. Elimizdegi tarıhı-mádenı eskertkishterdiń úshten bir bóligi osy óńirde ornalasqan. 13 myń eskertkish bar. Sonyń jıyrmaǵa jýyǵy «Geobaq» arqyly otandyq jáne sheteldik saıahattaýshylarǵa tanystyrylmaq. Qonaqtar Mańǵystaýda ǵana kezdesetin Sultan úpi, Shaqpaq ata syndy jerasty meshitteri, shar tárizdes alyp tastar, qazba jumystary júrip jatqan ejelgi qala oryndaryn aralap, tamashalaı alady.
Qazirgi tańda álemniń 38 elinde 140 jahandyq geobaq bar.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
