Marına Lapenko: Úzdik dástúrlerdi urpaq sanasyna sińirý – ónegeli is

Budan soń Astana, Almaty jáne Oral qalalaryndaǵy joǵary oqý oryndary men saraptamalyq ortalyqtaryna birneshe ret issaparmen barýdyń sáti tústi. Alaıda, sol kezde qaltamdaǵy soń­ǵy aqshama Qazaqstan Prezıdenti Nursul­tan Nazarbaevtyń kitaptaryn («V po­toke ıstorıı», «Epısentr mıra», «Krı­tıcheskoe desıatıletıe» jáne bas­qalary) satyp alǵan alǵashqy saparym esimde saqtalyp qaldy. 

Bir áriptesimniń: «Saǵan N.Nazar­baev­tyń eńbekteriniń keregi qansha?» degen saýalyna, «Qalaı? Siz onyń nelik­ten qajet ekendigin túsinbedińiz be? Bul naǵyz derekkóz! Bul zamanaýı Qa­zaqstannyń strategııasy men damý joly», dep tańyrqaı jaýap ber­genim esimde. Osy oqıǵadan soń Qa­zaq­stan Prezıdentiniń jyl saıynǵy jol­daýlaryn muqııat taldaı kele qazaq­standyq qoǵamǵa zor yqpalyn tıgizetin uzaqmerzimdi «Qazaqstan-2030», «Qa­zaq­stan-2050», «Rýhanı jańǵyrý» baǵ­dar­lamalarynyń baryna shyn kóńilimmen qýandym. 

Mundaı qujattarǵa ádette túrli kózqaras bolǵanymen, olardyń mem­le­kettiń damýy men ulttyq ıdeıany qa­lyp­tastyrýǵa yqpaly zor bolady. 
Bıylǵy 21 qarasha kúni Aqordanyń resmı saıtynda Qazaqstan Prezıdenti Nursultan Nazarbaevtyń «Uly dala­nyń jeti qyry» atty maqalasy jarııa­lanyp, onyń «Rýhanı jańǵyrý» baǵdar­lamasynyń zańdy jalǵasy ekendigine kóz jetkizdim. Bul eńbekte el tarıhy men qazaq halqynyń álemdik damýǵa qosqan úlesi basty nazarǵa alynǵan. Oǵan qosa, maqalada Qazaqstannyń tarıhı sabaqtastyqtyń jalǵastyrýshy qasıetine, qazaq dalasynyń uly je­tis­tikteri jáne qazaq halqynyń búgini men erteńine mańyz berilgen. 

Maqala qazirgi sáttiń mańyzyn ashyq sıpattaıdy – Qazaqstan saıası tranzıt jaǵdaıy men urpaq almasýynyń aldynda tur. Jańa býyn nemese sıfr­ly qoǵamnyń bıik murattary, ómirlik baǵ­dary jáne damý keleshegi boıynsha aldyńǵy býynnan aıtarlyqtaı ózge­she bolatyndyqtan, urpaqtar sabaq­tas­tyǵynyń tini ajyrap ketpeýi tıis.  

Alaıda, tarıhı jadyny saqtap qa­lý men baıytý úderisinde Qazaqstan áleý­mettik-ekonomıkalyq turǵyda ór­kendeýdi, adam kapıtalyn damytýdy qaperden shyǵarmaý qajet. О́ziniń ótke­nimen maqtaný, úzdik dástúrlerdi urpaq­taryna sińirý, jarqyn bolashaǵyna sený – tolyq qalyptasqan ári ózine senimdi adamnyń isi.

Marına LAPENKO,

tarıh ǵylymdarynyń kandıdaty, N.G. Chernyshevskıı atyndaǵy Saratov memlekettik ýnıversıteti Tarıh jáne halyqaralyq qatynastar ınstıtýty halyqaralyq qatynastar jáne Reseıdiń syrtqy saıasaty kafedrasynyń dosenti, «Eýrazııa-Povolje» aqparattyq-saraptamalyq ortalyǵynyń dırektory