«Elbasy tapsyrmasyna sáıkes, óńirde memlekettik organdardyń, monopolııaǵa qarsy qyzmet pen prokýratýra organdary ókiledriniń qatysýymen jumys toby quryldy. Basty maqsat – árbir tarıftiń ózindik qunyn jete zertteý, kásiporyndardyń artyq shyǵyndaryn alyp tastaý, osylaısha qyzmetterdiń aqyrǵy qunyn halyq úshin tómendetý. Mundaı jumystar kommýnaldy qyzmetterdiń barlyq túrlerine júrgizilýde», dedi B.Saparbaev.
Osylaısha, búgingi kúni «Aqtóbeenergosnab» JShS-niń 2016-2017 jyldardaǵy qyzmetinde 314,49 mln teńge somasynda negizsiz tabys anyqtaldy. Nátıjesinde, osy jyldyń 1 qarashasynan bastap turǵyndar úshin elektr energııasy 1 kVt/saǵ úshin QQS qosa alǵanda 10,35 teńgeden 9,62 teńgege deıin, nemese 7%-ǵa tómendetildi.
Sondaı-aq, 2019 jyldyń basynan bastap gazben jabdyqtaý tarıfi 12,6%, jylý men yssy sý - 3,7%, salqyn sý - 1,5% tómendetilmek.
Kómir 15%-ǵa deıin arzandaıdy»,-dep qosty oblys ákimi.
