Ekstremızmge qarsy kúres jáne zańsyz kóshi-qon boıynsha shekaralyq yntymaqtastyq máseleleri talqylanǵan kezdesýge Qazaqstan IIM Shtab bastyǵy polısııa polkovnıgi Serik Súıinbaev, О́zbekstan IIM Uıymdastyrý departamentiniń bastyǵy Shýhrat Norgıtov, sondaı-aq Túrkistan oblysy polısııa departamentiniń bastyǵy Qaırat Dálbekov bastaǵan shekaralas aýdandardyń, general-maıor Gaırat Kadırov bastaǵan Jızaq, Tashkent, Syrdarııa oblystarynyń polısııa qyzmetkerleri qatysty. Búgingi tańda eki el arasyndaǵy shekaralyq aımaq jónindegi ózara kelisim men baılanysqa qatysty birqatar qurylymdar sheńberinde halyqaralyq kelisimsharttar bar. Degenmen transulttyq jáne esirtki tasymaldaýdyń ósý qaýpi, kóshi-qon prosesteri men qylmystyq ahýal birlese jumys isteýdi talap etedi.
Ekijaqty kezdesýde taraptar ekstremızmge qarsy is-qımyl, jedel-profılaktıkalyq is-sharalardy ótkizý, kóshi-qon jóninde aqparattar almasý sekildi basqa da birqatar máseleler boıynsha naqty usynystardy ortaǵa saldy. Sondaı-aq Qazaqstan men О́zbekstan IIM ókilderi qylmyspen kúres jáne shekaralyq yntymaqtastyq salasy boıynsha birlese uıymdastyratyn jáne júzege asyratyn birqatar qujattarǵa qol qoıdy.
Ǵalymjan ELShIBAI,
«Egemen Qazaqstan»
Túrkistan oblysy
