Q.Toqaev Qazaqstan Respýblıkasy Tuńǵysh Prezıdenti kúniniń qarsańynda ótkizgen bul kezdesý kezdeısoq emes ekenin aıta kelip, Elbasy Nursultan Nazarbaev Eýrazııa keńistiginde kópshilikke moıyndalǵan ıntegrasııalyq úderisterdi qalyptastyrýshysy ári sáýletshisi ekenin erekshe atap ótti.
Quqyqtyq reformalar, sot júıesi men quqyq qorǵaý organdaryndaǵy ózgeristerge toqtalǵan Senat Tóraǵasy Elbasynyń «100 naqty qadam» Ult jospary týraly bastamasy aıasynda Qazaqstan qylmystyq, qylmystyq-prosestik jáne azamattyq-prosestik zańnamasyn jańartylǵanyn habardar etti.
Q.Toqaevty aıtýynsha, sonymen qatar zańnamany odan ári jetildirýdi jáne burynǵy tásilderdi qaıta qaraýdy qajet etetin kúrdeli máseleler bar. «Parlament depýtattarynyń jáne zańger-ǵalymdardyń basty maqsaty – halyqtyń sot júıesine jáne jalpy memleketke degen senimin arttyrý. Bizdiń aldymyzda qylmystyq jáne qylmystyq-prosestik zańnamanyń logıkalyq ózara baılanysy men birizdiligin qamtamasyz etý mindeti tur», - dedi Senat Tóraǵasy.
Q.Toqaev qylmys deńgeıin barynsha azaıtý zańnama men quqyq qoldanýdy jetildirýge ǵana baılanysty emes, sondaı-aq dúnıetanym men adamgershilik máselelerin sheshýge de baılanysty ekenin aıtty. Osyǵan baılanysty, onyń pikirinshe, kórnekti zańger-ǵalym I.Ragımovtyń «Qylmys pen jazanyń fılosofııasy» atty kitaby zor yqylas týǵyzady.
«Avtor adamgershiliktiń irgeli kategorııalarynyń ustanymdary turǵysynda zań júzinde jáne ǵylymda da zań shyǵarýdyń negizinde bolýy tıis qylmys máselesin naqty taldady», - dedi Senat Tóraǵasy kitapty talqymastan buryn.
Sóz alǵan I.Ragımov kezdesýge qatysýshylarǵa monografııasynyń mazmuny týraly aıtyp, onyń qazaq tilindegi nusqasyn usyndy.
Talqylaýǵa Parlament Senaty Tóraǵasynyń orynbasary Bektas Beknazarov, senator Dýlat Qustaýletov, I.A.Býnın atyndaǵy Elesk memlekettik ýnıversıtetiniń professory Iýrıı Golık, L.N.Gýmılev atyndaǵy Eýrazııa ulttyq ýnıversıteti fılosofııa kafedrasynyń meńgerýshisi Ǵarıfolla Esim, Reseı Federasııasynyń eńbek sińirgen ǵylym qaıratkeri Aleksandr Korobeev, «Qazaqstannyń zańgerler keńesi» RQQ tóraǵasy Serik Aqylbaı men tanymal quqyqtanýshy Esbergen Alaýhanov qatysty.
Senat Tóraǵasy kezdesýdi qorytyndylaı kelip, elderimizdiń zańger-ǵalymdarynyń yntymaqtastyǵy tabysty ári júıeli bolatyndyǵyna, al zertteý qorytyndylary zańnamany jetildirý jumysyna demeý bolatyndyǵyna senim bildirdi.
