Sharaǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti basshysynyń orynbasary Erlegen Meńdalıev, Túpqaraǵan aýdany ákiminiń orynbasary T.Altynǵalıev bastaǵan birqatar memlekettik organdardyń, «Azamattarǵa arnalǵan úkimet» KEAQ MK Mańǵystaý oblysy boıynsha fılıalynyń basshylary qatysty.
Shara barysynda aýdanǵa qarasty barlyq memlekettik organdar men uıymdardyń ókilderi ózderiniń qyzmet kórsetý tártipterin túsindirip, qyzmet alýshylardyń suraqtaryna jaýpa berdi. Memlekettik qyzmet kórsetý formatyn elektrondy túrge kóshirý aıasynda ázirlengen prezentasııalar kópshilik nazaryna usynylyp, arnaıy daıyndalǵan jadynamalar taratyldy. Jármeńkege qatysýshy aýdan jáne aýyl turǵyndarynyń qarasy kóp boldy. Uıymdastyrylǵan sporttyq saıystar, atap aıtqanda qazaqsha kúres, qoı jáne gir kóterý, armrestlıng sııaqty jarystar halyqtyń meılinshe kóp qatysýyna óz septigin tıgizdi.
Buǵan qosa aýdan ónerpazdarynyń merekelik konserti men Taýshyq aýylynyń qol óner, jergilikti ónim shyǵarýshy kásipkerlerdiń kórmesi odan ári árlendire túsirgenin aıtpaı ketýge bolmaıdy.
Bul jármeńkeniń ereksheligi de joq emes, mádenı jáne sporttyq sharalardyń barlyǵy bir jerde, ıaǵnı Taýshyq aýylynda jańadan boı kótergen sporttyq keshen ǵımaratynda ótkizilgen bolatyn.
Jármeńke sońynda aýyl aqsaqaldary búgingi sharadan ózderine qajetti birqatar málimetter alǵandyǵyn, memlekettik qyzmetterdi elektrondy alýǵa múmkindiginshe úlesterin qosatyndyqtaryn aıtyp, uıymdastyrýshylarǵa alǵysyn jetkizdi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
