Shıqyldaq aýylyna kelgen qala ákimi Nurjan Áshimbetov aýyl turǵyndaryna kóptken kútken aýyz sý endi ıgilikterińizge jarasyn dep tilek bildirdi.
Sý qubyryn jańǵyrtý jumysyna respýblıkalyq bıýdjetten 215,8 mıllıon teńge bólingen. Aýyz sýdy úzdiksiz berý úshin qos rezervýar, sý munarasy ornatylǵan. Sý qubyrynyń uzyndyǵy – 10,2 shaqyrym. Endi aýyldyqtar táýligine 12 tekshe metrge deıin sý alatyn bolady.
Sý qubyryn qaıta jóndeý jumysyn merdigerlik kompanııa «Gıdroprom» JShS-i júrgizdi. Merdiger Islambek Qultumanovtyń aıtýynsha, sý qubyryn tartý,jóndeý jumystary bıylǵy jyldyń maýsym aıynda bastalǵan.
Merdigerdiń mindeti -sýdy aýyldaǵy sý toltyrý rezervýarlaryna deıin jetkizý jáne úsh satyly sý tazartý qurylǵysyn ornatý. Ssyıymdylyǵy 500 tekshe metr eki rezervýardaǵy sý qubyr arqyly úıdi-úıge jetedi.
Shıqyldaq aýylynyń 500-den astam halyq turady. Aýyz sý qubyr arqyly turǵyn úılerge, mektepke, ambýlatorııaǵa, mádenıet úıine, ákimdikke jetti. Qalaǵa qarasty Bozshakól stansasy turǵyndary da endi Q. Sátbaev atyndaǵy arna sýyn paıdalana alady.
Farıda BYQAI
«Egemen Qazaqstan»
EKIBASTUZ
Sýretti túsirgen Rymbek Eginbaı
