Jyr keshiniń basty maqsaty – Elbasymyz jaıly jazylǵan avtorlyq óleńderdi elge tanytýmen qatar qazaq aqyn-jazýshylary, sondaı-aq álem qalamgerleriniń shyǵarmalaryn jastar arasynda nasıhattaý.
Is-sharaǵa Almaty qalasynyń 10-nan astam joǵarǵy oqý oryndarynyń stýdentteri qatysyp, júzden júırikter anyqtaldy. Elbasy jaıly óleńdermen shymyldyǵyn ashqan jyr keshi Muqaǵalı Maqataev, Muhtar Shahanov, taǵy basqa qalamgerlerdiń shyǵarmalarynan úzindi oqýmen jalǵasyn tapty.
Qazylar alqasynyń sheshimimen joǵarǵy upaı jınaǵan, «daýys máneri», «sahna sheberligi» jáne «ártistik óneri» boıynsha jaqsy kórsetkishterge jetken jastar baǵaly syılyqtar men aqshalaı júldelerge ıe boldy.
Qatysýshy stýdentterdiń pikirinshe, bul kúngi kórsetken ónerleri úlken aýdıtorııanyń, qalyń kópshiliktiń aldyna shyqqan birinshi tájirıbeleri. Is-shara jastardyń úlken sahnada ózderin erkin ustap, erekshe jyrlar oqýyna múmkindik berdi.
«Jyl saıyn ótip turatyn bul sharanyń aýqymy keńeıip keledi. Eń alǵash, bes jyl buryn uıymdastyrylǵan jyr keshine tek eki joǵarǵy oqý ornynan 10 stýdent qatysqan bolsa, endi, mine bes jyldan keıin úlken sahnaǵa 10-nan asa joǵarǵy oqý ornynan 60-tan astam úmitker qatysyp otyr. Bul úlken jetistik», - dep atap ótti «Rýhanı jańǵyrý -QazKKA» jobalyq keńsesiniń jetekshisi Aqylbek Bedelhanuly.
Is- sharanyń sońynda Elbasynyń súıikti ánderi shyrqalyp, merekelik is-shara konserttik baǵdarlamaǵa ulasty.
Memlekettik tildi damytý ınstıtýtynyń mamandary, Qazaqstan Jazýshylar odaǵynyń músheleri, Almaty qalasynyń joǵarǵy oqý oryndarynyń oqytýshylary men stýdentteri, QazKKA ardagerleri qatysqan jyr keshi aıasynda «Rýhanı jańǵyrý» baǵdarlamasynyń júzege asyrylýy, oǵan JOO stýdentteri men Almaty qalasynyń jastarynyń qosqan úlesi, JOO-da qurylǵan «Rýhanı jańǵyrý» jobalyq keńseleriniń jumystarymen tanysý, tájirıbe almasý jáne jastardyń baǵdarlama jaıly oı-pikirlerin bilý, t.b. máseleler qarastyrylyp, sarapshylar pikirleri tyńdaldy.
Elvıra Serikqyzy,
«Egemen Qazaqstan»
ALMATY
