«Qazposhta» «Sıfrly Qazaqstan» baǵdarlamasyna belsendi atsalysyp otyr. Bizde, ádette, mundaı bólimderde 20 operator qyzmet kórsetýi tıis edi. Al myna zamanaýı sıfrly keńsede bar bolǵany 2 keńesshi ǵana bolady. Aldaǵy ýaqytta adamdar jabdyqtardy, kompıýterlerdi ózderi paıdalanyp úırengende mundaı keńselerde eshqandaı qyzmetker otyrmaıdy, barlyq keńesti robot beredi jáne adamdar ózine ózi qyzmet etedi» dedi Sáken Sársenov.
Sıfrlyq keńsede agenttik jáne qarjylyq qyzmetterdiń barlyǵy kórsetiledi. Eger adam bankten óziniń atyna karta alatyn bolsa, ol bir aptanyń ishinde daıyn bolatyn. Al «Qazposhtanyń» zamanaýı keńsesinen ondaı kartany bes mınýtta ala alady. Sonymen qatar ózinde tólem kartasy bolmaı qalǵan jaǵdaıda eki mınýtta saýsaq tańbasy arqyly ony alyp, aqshasyn sheshýine bolady. Mundaı sıfrly 5 keńse elimizdiń tórt qalasynda qyzmetin bastady. Mine, Qostanaıda altynshy keńse ashyldy.
Sáken Sársenov Arhımed Muhambetovke sıfrly keńseniń erekshelikterin kórsetip tanystyrdy. Robotty iske qosty, basqa da jyldam qyzmet etetin jabdyqtardy kórsetti. Qazaqstanda poshta qyzmetiniń jańa formatqa kóshkenin aıtty. Jańa ofıste poshta qyzmeti kórsetilýmen qatar, ol sálemdemeler sýpermarketi bolyp tabylady. Sáken Sársenovtyń aıtýynsha, Qostanaıǵa kún saıyn 3,5 myń sálemdeme keledi. О́tken jyly bul 1,5 myń bolatyn.
«Munyń barlyǵy Elbasy saıasatynyń arqasynda «Sıfrly Qazaqstan» baǵdarlamasy aıasynda múmkin bolyp otyr. Sıfrlandyrý qazir ómirdiń barlyq salasynda jedel engizilip jatyr. Mine, «Qazposhta» qyzmetinde onyń qanshalyqty jyldamdyǵyn kórdik. Munyń halyqqa ıgiligi kóp. Sizderge barlyq qostanaılyqtar atynan rahmet aıtamyn» dedi Arhımed Begejanuly.
Ámbebap sıfrly poshta keńsesi kúnine 700 adamǵa qyzmet kórsete alady.
Názıra Járimbet,
«Egemen Qazaqstan»
Qostanaı
