Oblys ákimdiginde ótken resmı jıynda aımaq basshysy Amandyq Batalov óńir turǵyndaryn 1 jeltoqsan – Tuńǵysh Prezıtent kúni merekesimen quttyqtap, eńbegimen elengen bir top adamǵa obyls ákiminiń Alǵys haty men «Astananyń 20 jyldyǵy» medalin tapsyryp, marapattady.
- Barshańyzdy Qazaqstan Respýblıkasynyń Tuńǵysh Prezıdenti kúnimen shyn júrekten quttyqtaımyn! Osy mereke – halqymyzdyń Elbasyna degen erekshe yqylasynyń, sheksiz rızashylyǵynyń, zor qurmetiniń aıǵaǵy. Bul – elimiz úshin tarıhı kún! О́z taǵdyryn eliniń taǵdyrymen baılanystyrǵan, halqynyń baǵyna týǵan uly perzent – Tuńǵysh Prezıdentimizdiń esiminiń el tarıhynda altyn áriptermen jazylatyny anyq, - dedi óz sózinde oblys ákimi Amandyq Batalov.
Osy kúni Taldyqorǵan qalasynda 300 oryndyq mýzyka mektebi paıdalanýǵa berildi. О́ńirdiń daryndy balalarynyń basyn qosyp, kásibı bilim beretin mýzyka mektebi zamanaýı úlgide salynǵan, bilim alýǵa tolyq jaǵdaı jasalǵan óner ordasyna aınalatyn bolady. Aqyn Sara atyn ıelengen mektepte kitaphana, fortepıano, solfedjıo, mýzykallyq ádebıet, vokala, horeografııa, skrıpka ansambli men orkestr synyby jasaqtalǵan.
Sondaı-aq, osy kúni Taldyqorǵanda ardagerler arasynda voleıboldan halyqaralyq «Jetisý kýbogy» týrnıir jalaýyn kóterdi. Dástúrli jarysqa qatysqan baýyrlas elderdiń komandalary tabandy oıyn máneri men jeńiske degen jigerdi janyǵan joldastyq kezdesý úlgisin kórsetti.
Al dál 1 jeltoqsan kúni jarkent qlasynda Orbulaq shaıqasynyń 375 jyldyǵyna oraı «Uly jebe» memorıaldy kesheni ashyldy. Saltanatty sharaǵa oblys ákimi Amandyq Batalov, Parlament Májilisiniń depýtaty, qoǵam qaıratkeri Qýanysh Sultanov, tarıhshy ǵalymdar, qalamgerler, aýdan jurtshylyǵy qatysty.
- Orbulaq shaıqasy – qazaq halqynyń azattyq jolyndaǵy tarıhı oqıǵalarynyń biri. Elbasymyz Nursultan Ábishuly Nazarbaev: «Orbulaq pen Ańyraqaıdaǵy tarıhı mańyzdy jeńister Azattyqtyń aq týy astynda jelbiredi», - dep, tarıh tolqynyndaǵy erlikke toly uly oqıǵalardy dáripteýge erekshe mán bergen bolatyn. Memleket basshysynyń jaqynda jaryq kórgen «Uly Dalanyń jeti qyry» atty maqalasy da bizdiń ulttyq tarıhymyzǵa tereń úńilýge, halqymyzdyń ótkenine, búgini men bolashaǵyna zor qurmetpen qaraýǵa úndeıdi. Orbulaq tarıhy – sol Uly Dala tarıhynyń bir paraǵy, - dep atap ótti jıynda Amandyq Batalov.
Qalmahanbet MUQAMETQALI,
«Egemen Qazaqstan»
Almaty oblysy
