Saltanatty is-sharanyń qurmetti qonaǵy retinde áskerı qyzmetshilerdiń ata-analary, týysqandary, Qarýly Kúshterdiń ardagerleri, jergilikti basqarý organdary men qoǵamdyq uıym ókilderi qatysty. Qonaqtardyń nazaryna áskerılerdiń jaýyngerlik daıarlyq elementteri boıynsha kórsetilimder usynyldy.
Aqtaýdaǵy 25744 áskerı bólimine myńǵa jýyq qonaq kelgen bolatyn. Shalǵaıdan kelgen ata-analarmen kezdesýdi «Batys» óńirlik qolbasshylyǵynyń áskerleri qolbasshysy general-maıor Qanysh Abýbakırov ótkizdi. О́ńirlik qolbasshylyq áskerı bólimderiniń komandırleri ata-analarmen áńgimelesip, barlyq qyzyqtyrǵan saýaldaryna jaýap berdi, qonaqtardy áskerı qyzmetshilerdiń áleýmettik-turmystyq jaǵdaıymen tanystyryp, kazarlamalardy, ashanalardy, trenajerlyq zaldar men oqý synyptaryn kórsetti.
- Dál osy meıram kúni ant qabyldaý men úshin zor qurmet. Barsha qazaqstandyqtardy Qazaqstan respýblıkasy Tuńǵysh Prezıdenti kúnimen quttyqtaǵym keledi! Biz Otanymyzdyń ıgiligi úshin ózimizdiń áskerı boryshymyzdy adal oryndaıtynymyzǵa senimdimin, deıdi jas sarbaz, qatardaǵy jaýynger Erık Karımov.
Áskerı ant qabyldaǵan jas sarbazdar endigi kezekte jas mamandardy daıarlaý baǵdarlamasyna sáıkes jaýyngerlik úrdiske kirisedi. Jarty jyldan soń olar áskerı mamandyq ıesi atanyp, artıllerııashy, tankishi, atqysh, baılanysshy laýazymdarynda tolyqqandy Otan qorǵaýshylar mártebesine ıe bolady.
Qazirgi ýaqytta áskerge dene bitimi shynyqqan, bilimdi, moraldyq turǵyda turaqty bozbalalar keledi. Ardagerler men áskerı bólimderdiń komandırleri olar dańqty jaýyngerlik dástúrdiń laıyqty urpaǵyna aınalyp, Qazaqstan Respýblıkasyna qaltqysyz qyzmet etýdiń úlgisi bolatyndaryna senedi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
