– Sizdiń ákeńiz óz eliniń naǵyz patrıoty boldy ári Amerıkanyń órkendeýine adal qyzmet etti. Ol qyrǵı-qabaq soǵystyń aıaqtalýyna jáne jahandyq qaýipsizdikti saqtaýǵa zor úles qosqan asa kórnekti memleket qaıratkeri retinde álem tarıhynda óshpes iz qaldyrdy.
Qazaqstan halqy Djordj Býshty eki jaqty dostyq qarym-qatynasty ornatýǵa jáne ony nyǵaıtýǵa kóp kúsh jumsaǵan dana saıasatker retinde árdaıym este saqtaıtyn bolady. Ol – bizdiń táýelsizdigimizdi alǵash moıyndaǵan kóshbasshylardyń biri.
Biz Djordj Býsh ekeýimiz jaqsy dos boldyq jáne jıi kezdesip turdyq. Onyń Tehastaǵy rezıdensııasynda, ásirese 2006 jyly Kennebankporttaǵy úıinde maǵan kórsetken qonaqjaılyǵyn árqashan jyly sezimmen eske alamyn.
Barsha Qazaqstan halqynyń jáne jeke ózimniń atymnan Sizge jáne búkil Amerıka halqyna kóńil aıtamyn, – delingen jedelhatta.
