Jeńis pen jetistikter merekesi

Jalpy, qazirgideı jahandy tu­raq­syzdyqtyń jalyny shar­pyǵan shaqta ótkennen ónege ala otyryp, shattyqqa kenelýdi úlken baqyt dep esepteımin. Sebebi búginde merekeleý turmaq, erteńgi kúnge degen úmitinen kúdigi basym elder men halyqtar bar. Osy turǵydan kel­gende, Elbasynyń eldik múdde jo­lyn­daǵy erlik isterin nasıhattap, keler ur­paqqa dáripteýdiń bereri mol. О́ıt­keni eshbir ásireleýsiz, Mem­le­ket basshysynyń elge sińirgen eseli eńbeginiń aýqymy óte keń. Ony túsi­nip, túısiný úshin egemendigimizdiń eleń-alań shaǵynan, tipti alǵashqy kúninen bastap búginge deıingi júrip ót­ken jolymyzdy oı súzgisinen bir ótkizip alǵannyń da artyqtyǵy joq.

Qazir biz Qazaqstandy qa­ryshtap damyǵan, álemge ámirin júrgizip otyrǵan alpaýyt el­derdiń ózi sanasatyn, solarmen terezesi teń jaǵdaıda pikirlesip, óz sózin erkin aıta alatyn, óziniń damý baǵyty men júrer jolyn naqtylap, sodan jańylmaı alǵa qadam basyp kele jatqan memleket dep aýyz toltyryp aıtamyz. Al osyndaı bıikke biz qalaı kó­terildik? Búgingi deńgeıge jetý úshin Qazaqstan qandaı keder­gilerdi eńserip, qandaı joldan ótti?

Ol úshin aldymen Qazaqstan táýelsizdigin alǵan sátte qandaı edi degen saýalǵa jaýap izdegen jón shyǵar. Bizdiń derbes el atanyp, enshimizdi alyp shyqqan kezde eńsemizdi tikteý turmaq, irg­emizdi bekitetindeı de shamamyz bolmaǵany belgili. Dál sol kezde álem Qazaqstandy eko­nomıkasyna qan júgirtip tur­ǵan kúre tamyrlardyń bári shetinen úzilip, ábden turalaǵan, bolashaǵy bulyńǵyr, shıkizatqa baı bolǵanymen, ne jóndi kásiporny joq, barynyń ózi qa­ńyrap bos qalǵan, sonyń saldarynan jumyssyzdyq jaılaǵan el retinde tanydy. Sóıte tura, bári bizden úreılenip, úrke qa­r­aǵany da jasyryn emes. О́ıtkeni ol kezde Qazaqstannyń qolynda Keńes Odaǵynan mura bolyp qalǵan ýyn shashqan ajdahadaı qabyldanatyn jappaı qyryp-joıý qarýy men ıadrolyq synaq alańy bar edi. Halqyn ádiletti, erkin, zaıyrly ári demokratııalyq jolmen damyǵan, aınalasyn úrkitip emes, óziniń tereń ǵylym-bilimimen baýrap alatyn qoǵamǵa jetelegen Elbasy osy qarýdan bas tartyp, Semeı synaq polıgonyn japty. Bul – Memleket basshysynyń búgingi jetistik jolyndaǵy eń basty ári asa mańyzdy qadamdarynyń biri ekeni sózsiz.

Memleket bolǵan soń onyń shekarasy, sol shekarany kúze­te­tin aıbyndy áskeri bolady. Biz táýelsizdik alǵan shaqta bul má­­­se­­le, ásirese shekara daýy uzaq jyl­darǵa jalǵasatyn ke­lis­­sózder men kezdesýlerdi qa­jet etip turdy. О́ıtkeni biz kó­leń­ke­siniń ózinen álem y­ǵa­tyn alyp memleketter – Reseı men Qytaıdyń ortasynda ornalasqan elmiz. Soǵan qara­mastan Elbasymyz ár iste aqylǵa salyp, parasatpen paıymdap, ata-babamyzdan mıras bolǵan ulan-baıtaq jerimizdi saqtap, atalǵan eki elmen jáne ońtústiktegi kórshi memlekettermen shekara máselesin sheship, shegendep, irgemizdi birjola tas-túıin etip bekitip aldy. Tipti talaı jyldan beri sheshimin tappaı kele jatqan Kaspıı te­ńiziniń quqyqtyq mártebesiniń rettelip, arnaıy Konvensııaǵa qol qoıylýynyń ózi Qazaqstan Prezıdentiniń uıytqysymen júzege asyrylǵan is ekeni daýsyz. Muny Elbasymyzdyń eldik jolyndaǵy kezekti mańyzdy qadamy dep qabyldaımyz.

Taǵy bir erekshe atap ótýdi qajet etetin dúnıe – Qazaqstan halqy Assambleıasy. Álemde balamasy joq bul ınstıtýtty búginde dúnıe júzi moıyndaıdy. Tipti búkil álemdi qamtıtyn osyndaı qurylymnyń qajet ekeni de talaı márte aıtyldy. О́ıtkeni ultaralyq qaqtyǵys dál qazirgi shaqta eń ózekti ári ýshyqqan daý-damaıdyń biri sanalyp otyr. Sondyqtan Elbasymyz táýelsizdiktiń al­ǵash­qy jyl­darynda-aq bul má­se­leni birjaqty etip, elimiz­de turatyn 130-dan as­tam ult ókilderin ortaq maq­satqa uıys­ty­ra­tyn atalǵan Assambleıany qurdy. Sol arqyly birlik pen berekeniń negizin qalap, Qazaq­stan­nyń beıbitshiliktiń altyn besigi re­tinde ta­nylýyna jol ashty. Bul Nursultan Nazarbaevtyń órleý jo­­­lyndaǵy taǵy bir strategııalyq qadamy boldy.

Elbasynyń dál osyndaı asa mańyzdy bastamalary elimizdi alǵa jetelep, álemniń Qazaqstanǵa degen senimin kúsheıtti. Bul óz kezeginde alpaýyt memleketter men iri kompanııalardyń bizdiń elge ınvestısııa salýyna tikeleı muryndyq boldy. Sonyń arqasynda Qazaqstan alǵa qoıǵan maqsat­taryna júıeli túrde qol jetki­zip, ekonomıkasyn ǵana emes, saıası jáne rýhanı áleýetin de aıtarlyqtaı arttyrdy. Nátı­jesinde Elbasy azattyǵymyzdyń sımvoly ǵana emes, aıbary men aıbyny, ajary men aınasyndaı bolǵan ásem de sulý Astanany saldy. Álemniń eń ozyq ýnıversıtetterine jas qazaqstandyqtardy jiberip, sapaly bilim alýyna jaǵdaı jasady jáne sondaı oqý oryndarynyń óz elimizde de ashylýyna múmkindik týǵyzdy. Sol sııaqty medısına, mádenıet, sport, ónerkásip, aýyl sharýashylyǵy, bıznes jáne taǵy basqa da salalarda úlken jetistikterge qol jetkizip, bıik belesterdi baǵyndyrdyq.

Osylaısha Memleket bas­shy­­synyń eren eńbeginiń arqa­syn­da Qazaqstan álemdik qa­ýym­das­tyq­tyń tolyqqandy múshesi bolyp qana qoımaı, halyqaralyq kún tártibinde turǵan ózekti máse­lelerge qa­tysty óz pikirin erkin bil­di­­­re­tin, kúr­meýi qıyn túıt­­kil­derdiń ońtaıly sheshil­ýi­ne tikeleı yqpal etetin, báse­ke­ge qabi­letti, damyǵan elge aınaldy. Oǵan Qazaqstannyń Eýropadaǵy qaýip­sizdik jáne yn­­­ty­­­­maq­tastyq uıy­my men Islam Yntymaqtastyǵy Uıy­my­na je­misti tóraǵalyq etýi aı­­­qyn dálel. Azııadaǵy ózara yq­­pal­dastyq jáne senim sharalary keńesin, EKSPO-2017 ha­lyqaralyq mamandandyrylǵan kórmesin, Dinder kóshbas­shy­larynyń sezderin jáne Qysqy Ýnı­versıada oıyndaryn sátti ótkizýimiz de Elbasymyzdyń táýelsizdigimizdiń tuǵyryn bıik­tetý jolyndaǵy taban­dylyǵy men qajyr-qaıratynyń jemisi. Memleket basshysynyń bastamasymen Sırııa boıynsha Astana prosesiniń ótýi de Qazaqstandy beıbitsúıgishtigimen qatar bi­timgershilik qyrynan da tanyta tústi.

Sonymen birge búginde Qazaq­­­stan álemge qarjy jáne ın­no­­­­vasııalyq ortalyq retinde de tanylyp keledi. Oǵan «As­tana» halyqaralyq qarjy orta­lyǵy men Astana Hub startaptar tehnoparkiniń ashylýy dálel.

Biz bul jetistikterge Elba­sy saıasatynyń arqasynda nebári 27 jyldyń ishinde qol jet­kiz­dik. Endi aldymyzda jańa maqsattar men mindetter tur. Onyń eń bastysy, álemniń  damyǵan 30 memleketiniń qataryna qosylý. Elbasy osy joldaǵy basym baǵyttarymyzdy da aıqyndap, Qazaqstannyń Úshinshi jańǵyrýyn bas­tap berdi. Sonyń arqasynda eli­­miz­­diń ekonomıkalyq, saıa­sı, áleý­­mettik jáne rýhanı jań­ǵyr­­ýy qolǵa alynyp, júıeli ju­mystar júrgizilýde. Ulttyq qun­dy­lyqtarymyzǵa erekshe mán berilip, «Rýhanı jańǵyrý» baǵdar­lamasy júzege asyryla basta­dy. Munyń bar­lyǵy búgingi ja­handaný jaǵdaıyndaǵy jańa syn-qaterlerge berilgen laıyqty jaýap.

Minekı, Qazaqstan Memleket basshysynyń dana saıasatymen osyndaı orasan zor bıikterdi baǵyndyrdy. Sondyqtan Tuń­ǵysh Prezıdent kúnin Elbasy­myzdyń memlekettigimizdi qalyp­tastyryp, táýelsizdigimizdi ny­ǵaıtý jolyndaǵy eren eńbe­gine kórsetilgen erekshe qurmet dep qabyldaýymyz kerek. Al Elbasyna qurmet – táýel­siz­di­gi­miz­ge jasalǵan qurmet.

Sondaı-aq atalǵan mereke Elbasy saıasatynyń ne­gi­­zin­­de­gi birlik, turaqtylyq, bá­se­­ke­ge qabilettilik sııaqty qundy­lyq­tardy dáripteýge múmkindik beredi. Sol sebepti bul kúndi eldiń birligin bekitip, ortaq maqsat­­­tarǵa uıystyratyn, ha­lyq­ty Elbasy saıasatyn júzege asyrýǵa ju­myldyratyn jáne tá­ýel­sizdigimiz ben memle­ket­tigimizdi nyǵaıta túsetin ıdeo­­logııalyq mańyzǵa ıe jalpy­ulttyq mereke dep aıtýǵa tolyq negiz bar.

Máýlen ÁShIMBAEV,

«Nur Otan» partııasy Tóraǵasynyń birinshi orynbasary