Is-sharanyń ashylýynda sóz alǵan Qoǵamdyq kelisim komıtetiniń jetekshisi Qaısar Janahanov qoǵamdyq pikir jáne destrýktıvti dinı ıdeologııaǵa qarsy ımmýnıtet qalyptastyrýda BAQ ókilderiniń róli erekshe ekendigin atap ótti. Sonymen qatar, ol qazaqstannyń konfessııaaralyq kelisimdi saqtaý jáne nyǵaıtý saıasatyn qoldaýǵa, sondaı-aq radıkaldy dinı aǵymdardyń ıdeıalaryna qarsy turýǵa jáne halyq úshin qajetti ımmýnıtet qalyptastyrýǵa, dástúrli rýhanı qundylyqtardy jáne zaıyrlylyq qaǵıdalaryn ilgeriletýge BAQ belsene qatysýǵa shaqyrdy.
Trenıngte dinı ekstrımızm men terrorızmge qarsy aqparattyq is-qımyldaǵy BAQ-tyń róli men mindetteri týraly QR UQK akademııasy Terrorızmge qarsy daıyndyq ortalyǵynyń qyzmetkeri, sarapshy-saıasatker Rýslan Irjanov jáne BAQ-daǵy álemdik jáne dástúrli dinder jaıly buqaralyq jáne korporatıvti kommýnıkasııalar mamany Rústem Rahımov baıandap berdi.
Jıyn barysynda jýrnalıster pikir almasyp, usynystaryn ortaǵa saldy, din salasyndaǵy qazirgi máselelerdi jáne buqaralyq aqparat quraldarynda jarııalaý ádisterin talqylady.
