Oblys ákimi jappaı kásipkerlikti damytý arqyly 3 mańyzdy másele sheshilip jatqanyn: birinshiden, salyq bazasynyń ulǵaıýy, ekinshiden, jańa jumys oryndarynyń qurylýy jáne úshinshiden, qoǵamdyq-saıası ahýaldyń turaqtylyǵynyń jaqsarǵandyǵyn atap ótti..
- Biz bıyl jalpy bıýdjeti 32 mlrd. teńgeni quraıtyn keshendi «Jol kartasyn» ázirledik! Onyń ishinde atalǵan qarajattyń 3 mlrd. teńgeden astam bóligin «Startap» jobalarǵa baǵyttadyq. Jyl basynan beri qaıtarymsyz granttar, nesıe alýdyń qadamdyq is-áreketin, tıptik bıznes-josparlardy ázirlesek, al jobalardy súıemeldeý úshin árbir aýyldyq okrýgke oblystyq deńgeıdegi laýazymdy tulǵalar bekitildi. Budan bólek, bekitilgen laýazymdy tulǵalardyń jappaı kásipkerlikti damytý boıynsha esebin aı saıyn tyńdaımyz,-dedi ol.
Oblysta jyl basynda jumys istep turǵan shaǵyn jáne orta bıznes sýbektileriniń sany 37 450 birlikti qurasa, onda aǵymdaǵy jyldyń 10 aıdaǵy qorytyndysymen onyń sany 42 066 birlikke jetti. Iаǵnı, jyl basynan beri jumys istep turǵandardyń sanyn 4616 birlikke tolyqty. Bul ótken jyldyń sáıkesti kezeńimen salystyrǵanda ósim 12,7% boldy. Sondaı-aq, eger jyl basynda tirkelgen shaǵyn jáne orta kásipkerlik sýbektileriniń ishindegi jumys istep turǵandardyń úlesi 75 paıyz bolsa, onda aǵymdaǵy jyldyń 10 aıynda onyń úlesi 81 paıyzǵa jetti.
Baqtııar TAIJAN,
«Egemen Qazaqstan»
Qyzylorda oblysy
